Իսպանիայի Վալյադոլիդում 8-ամյա տղայի վեճն իր հասակակից աղջկա հետ զանգվածային անկարգությունների է վերածվել, որոնք ոստիկանության հատուկ նշանակության ստորաբաժնամն միջամտություն են պահանջել, հաղորդում է Europa Press-ը:
Դեպքը տեղի է ունեցել կիրակի երեկոյան, երբ Իսպանիայում նշվում էր Սան Խուան տոնը: Վալյադոլիդի հրապարակներից մեկում 8-ամյա տղան հարվածել է հասակակից աղջկան, որի ծնողները սկսել են պաշտպանել իրենց դստերը: Տղայի ընտանիքի անդամներին դուր չի եկել նրա հասցեին վիրավորական արտահայտությունները եւ նրանք իրենց հերթին սկսել են աղջկա ծնողների հետ վիճել:
Երբ ոստիկանության չորս ջոկատ է ժամանել դեպքի վայր, մոտ 50 մարդու մասնակցությամբ զանգվածային վեճը տեղի է ունեցել արդեն հարեւան փողոցներում: Այդ պատճառով ոստիկանները լրացուցիչ ուժեր են կանչել, այդ թվում հատուկ ջոկատայիններին:
Ձերբակալվել են տղայի հորեղբայրը եւ հայրը, որոնք դիմադրություն են ցույց տվել իրվապահներին եւ նրանց վնասվածքներ պատճառել:
