News
Լրահոս
News
Չորեքշաբթի
Հոկտեմբեր 16
USD
476.76
EUR
526.2
RUB
7.42
ME-USD
0.08
Տեսնել լրահոսը

Արցախում սահմանադրության 48-րդ հոդվածի 2-րդ և 3-րդ մասերում փոփոխություն կատարելու համար կազմակերպված ստորագրահավաքը հատել է 23․000-ի սահմանը։ Այս մասին NEWS.am-ին տեղեկացնում են Սամվել Բաբայանի գրասենյակից։

Գրասենյակի հաղորդագրության մեջ, մասնավորապես, ասված է․

«Արցախում սահմանադրության 48-րդ հոդվածի 2-րդ և 3-րդ մասերում փոփոխություն կատարելու համար մեկնարկած ստորագրահավաքը նոր թափ է ստացել՝ հատելով 23 000-ի սահմանը, մինչդեռ ստորագրահավաքի ավարտին կա 23 օր։

Օգտվելով սահմանադրության մեջ ամրագրված իր իրավունքից արդեն 23․000 արցախցի իր հաստատուն խոսքն ասել է։  Ինչպես երեսուն տարի առաջ, այսօր ևս արցախցին մարտնչում  է , բայց արդեն իր հաղթանակները ամրագրելու օրինական սահմանադրական դաշտում։ Իսկ արցախցու փափագը, ինչպես երեսուն տարի առաջ, այսօր էլ նույնն է ու անփոփոխ՝ Մայր Հայրենիքի սահմանները իր միացումով ամբողջացնելն է, ու այդ քայլը արդեն 23․000 արցախցի արել է։

Գիտակցելով Արցախ-Հայաստան միության կարևորությունը , միմյանց հետ ինտեգրումը և դրան ուղղված այս ծանրակշիռ և իրական քայլի նշանակությունը՝  ՀՀ և ԱՀ մի խումբ մտավորականներ կոչ են արել միանալ ստորագրահավաքին՝ հանդես գալով բաց նամակով ուղղված ԱՀ նախագահին, ԱՀ ԱԺ  նախագահին և ԱՀ պետնախարարին, որտեղ մասնավորապես ասվում է, որ միավորումը այլընտրանք չունի և ստորագրահավաքի այս նախաձեռնությունը հայոց միավորումն ապահովելու անհրաժեշտ ուղին է»։

Նշենք, որ Արցախի Հանրապետության Սահմանադրության 48-րդ հոդվածի 2-րդ և 3-րդ կետերի առաջարկվող փոփոխությամբ ՀՀ քաղաքացիներին ևս որպես թեկնածու ընտրվելու իրավունք կտրվի Արցախի Հանրապետության նախագահական և ԱԺ պատգամավորական ընտրություններում։

!
Այս նյութը հասանելի է նաև   English
Տպել
Կարդացեք նաև
Ամբողջը
Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան
Հաշվի առնելով մեր տարածաշրջանում կատարվող՝ աշխարհաքաղաքական և ռազմաքաղաքական իրողություններն ու սպասվող զարգացումները մեզ առավել քան երբեք պետք է միասնականություն…
Արցախի օմբուդսմենն ԱՄՆ Հայ իրավաբանների միության պատվիրակների հետ քննարկել է փոխգործակցության հարցեր
Պաշտպանը ողջունել է Միության պատվիրակության հերթական այցն Արցախ՝ բարձր գնահատելով կազմակերպության հետ ձեւավորված համագործակցությունը եւ նրանց...
Չի բացառվում, որ իմ թեկնածությունը ներկայացվի դաշինքի շրջանակներում. Բալասանյան
Այս պահին որոշում չկա, այս պահին ինձ սատարում է նորաստեղծ «Արդարություն» կուսակցությունը...
Անհրաժեշտ է մինչ ընտրություններ Արցախում ձեւավորել քաղաքական բեւեռ. «Սասնա Ծռեր»
Անհրաժեշտ է համարվել մինչ ընտրությունները վերկուսակցական սկզբունքով ապահովել Միացման նպատակին հետամուտ ուժերի և անհատների համախմբում…
Արցախում սահմանադրական փոփոխությունները թուլացրեց մեր իշխանությունը. Վիտալի Բալասանյան
Ես դեմ եմ եղել ցանկացած սահմանադրական փոփոխության, եթե դա կբերեր...
Գոհար տիկնոջ Վերին մզկիթը լիովին իրանական կրոնամշակութային շերտի օրինակներից է. Ռուբեն Մելքոնյան
Ռուբեն Մելքոնյանը նշեց, որ մզկիթը կառուցվել է 1880-ական թվականներին...