ԱՄՆ-ում 39-ամյա տղամարդը 3-ամյա դստեր մահվան համար ցմահ ազատազրկման է դատապարտվել, հաղորդում է AP-ն:
Ուեսլի Մեթյուզը պնդում է, որ իր դուստրը խեղդվել է կաթից, նա խուճապի է մատնվել եւ մարմինը թաքցրել ջրատար խողովակում:
Սակայն դատախազները հայտնել են, որ Մեթյուն ստել է այն մասին, թե ինչպես է երեխան մահացել:
Փաստաբան Դե Լա Գարսան ատենակալներին խնդրել է ավելի մեղմ պատիժ նշանակել, որովհետեւ երեխայի մահը նրա հոր անգործության, այլ ոչ թե կանխամտածված գործողության հետեւանք է եւ հաշվի առնելով այն, որ մեղադրական կողմը չի կարողացել ոչ մի վկա կանչել, որը կապացուցեր, որ Մեթյուն վատ է վարվել դստեր հետ:
Այնուամենայնիվ ատենակալները որոշել են նրան ցմահ ազատազրկման դատապարտել:
