News
Լրահոս
News
Հինգշաբթի
Հուլիս 18
USD
476.41
EUR
535.1
RUB
7.57
ME-USD
0.17
Տեսնել լրահոսը

Մենք շարունակում ենք գտնվել տնտեսական բավական բարձր ակտիվության ցուցանիշներում. մայիսին արձանագրվել է 7,3 տոկոս տնտեսական ակտիվության ցուցանիշ, բայց այստեղ ամենակարեւորը բովանդակությունն է: Այս մասին, այսօր՝ հունիսի 27-ին, կառավարության նիստի սկզբում հայտարարեց ՀՀ վարչապետ Նիկոլ Փաշինյանը:

«Ուզում եմ արձանագրել, որ մայիսին նախորդ տարվա մայիսի համեմատ ունեցել ենք արտահանման 15 տոկոսանոց աճ, իսկ հունվար-մայիսին՝ 0,1 տոկոսանոց աճ: Սա նշանակում է, որ մենք այս տարի արտահանման հետ կապված խնդիրները հաղթահարել ենք: Առաջին եռամսյակի տվյալներով արտահանման ոլորտներում որոշակի մտահոգություններ կային, հիմա դրանք փարատված են: Վերլուծությունները ցույց են տալիս, որ այս տարվա ընթացքում կունենանք արտահանման բավական շոշափելի աճ»,-ընդգծեց վարչապետը:

Նա կարեւորեց փաստը, որ արտահանման կառուցվածքում տնտեսության ճյուղերի ազդեցության փոփոխություն է տեղի ունեցել. «Եթե նախորդ տարի մշակող արդյունաբերության կշիռը արտահանման մեջ կազմել է 62,8 տոկոս, այս տարի կազմում է 64,6 տոկոս, աճը 1,8 տոկոս է: Իսկ հանքահումքային արտադրանքի տեսակարար կշիռը նվազել է 27,6 տոկոսից հասնելով 25 տոկոսի:

Շատ կարեւոր է արձանագրել, որ թեեւ արտահանման մեջ դեռ մեծ կշիռ չունի տեխնոլոգիատար ապրանքների արտահանումը, բայց առաջին 5 ամիսների տվյալներով այս ոլորտը բավականին մեծ աճ է արձանագրել՝ 29,5 տոկոս: Միջին տեխնոլոգիատար ապրանքների խումբը եւս աճ է արձանագրել՝ 19,4 տոկոս:

Այս թվերը ցույց են տալիս, որ ՀՀ տնտեսական համակարգը ընկալել ու մարսել է տնտեսական հեղափոխության վերաբերյալ կառավարության մեսիջները: Մենք դեռ աշնանը նշում էինք, որ տեխնոլոգիատար ոլորտները պետք է ավելի մեծ աճ արձանագրեն, որ արտահանումը պետք է դառնա տնտեսության շարժիչ ուժը»,-հայտարարեց Փաշինյանը:

«Իհարկե, սրանք ընդամենը նախանշաններ են, բայց կարեւոր նախանշաններ են, որ տնտեսությունը, գործարար համայնքը կառավարության քաղաքական մեսիջներն ընկալել են: Պետականկառավարման համակարգում նույնպես պետք է ընկալեն այս մեսիջները: Կան ազդանշաններ, որ պետական կառավարման համակարգի կողմից այդ ազդակները ոչ ամբողջությամբ են ընկալված ու մարսված»,-հավելեց նա:

!
Այս նյութը հասանելի է նաև   English
Տպել
Կարդացեք նաև
Ամբողջը
Դոլարի փոխարժեքն աճել է. Եվրոն էժանացել է ավելի քան 2 դրամով
Թանկարժեք մետաղների համար բանկի կողմից սահմանվել են հետեւյալ գները...
«Ժամանակ».Վրաստանը կարող է հոկտեմբերից արգելել ցամաքային ճանապարհով ցորենի ներկրումը. Հայաստանում հացն ու միսը կթանկանա
Հայաստանի կառավարությանը հաջողվեց հանել այդ արգելքը, սակայն խնդիրը նորից ակտուալ է դառնում...
Վարչապետն ընդունել է «Ամբեր Կապիտալ» ընկերության ներկայացուցիչներին
«Ամբեր Կապիտալը» շահագրգռված է Հայաստանում ակտիվ գործունեություն ծավալելու հարցում և պատրաստ է փոխշահավետ գործակցության...
Դոլարի փոխարժեքը նվազել է. արժեզրկվել է նաեւ եվրոն
Թանկարժեք մետաղների համար բանկի կողմից սահմանվել են հետեւյալ գները...
«Ես ցանկանում եմ լինել ձեր կողքին այս շոգին». «Իմ քայլի» պատգամավորը՝ Ագարակի կոմբինատի աշխատակիցներին (վիդեո)
Պատգամավորը նախ նշեց, որ եկել է տեղում իրավիճակին ծանոթանալու…
Հայաստանի ֆոնդային բորսայում տեղի է ունեցել 40 մլրդ դրամ ծավալով պետական պարտատոմսերի տեղաբաշխման աճուրդ
Ներկայում Հայաստանի ֆոնդային բորսան ու ՀՀ ֆինանսների նախարարությունը հնարավորություն են տալիս Հայաստանի քաղաքացիներին առցանց գնել պետական…
Ամենաշատ