News
Լրահոս
News
Կիրակի
Հուլիս 12
USD
486.73
EUR
549.62
RUB
6.84
ME-USD
0.02
Տեսնել լրահոսը

Անշարժ գույքի կադաստրի բոլոր փաստաթղթերը, համաձայն օրինագծի, կհավաստվեն ոչ թե կնիքով, այլ հատուկ կոդով՝ ինքնավար ճանապարհով։ Այս մասին խորհրդարանի Տնտեսական հարցերի մշտական հանձնաժողովի նիստում, «Սեփականության իրավունքի պետական գրանցման մասին» օրենքում եւ հարակից օրենքներում փոփոխություններ եւ լրացումներ մտցնելու մասին օրինագծերի փաթեթի քննարկման ժամանակ, հունիսի 27-ին ասաց ՀՀ Անշարժ գույքի կադաստրի կոմիտեի ղեկավար Սարհատ Պետրոսյանը։

Նրա խոսքով՝ ցանկացած քաղաքացի, որին ինչ-որ պատճառով հարկավոր է հավաստիանալ այս կամ այն փաստաթղթի իրական լինելու մեջ, կարող է առանց խոչընդոտի մտնել Հայաստանի Անշարժ գույքի կադաստրի կոմիտեի պաշտոնական էլեկտրոնային էջ եւ ճշտել անհրաժեշտ տեղեկությունը։ «Դա էապես կպարզեցնի քաղաքացիների կյանքը, այս առաջարկությունը համապատասխանում է այն քաղաքականությանը, որին որոշել է հետեւել կառավարությունը։ Եթե ավելի վաղ քաղաքացիներն ստիպված էին երկու անգամ այցելել Կադաստրի կոմիտե, ապա այժմ բավական է մեկ այցելությունը»,- պարզաբանել է Պետրոսյանը։

Նա ընդգծել է, որ բոլոր շահագրգռված անձինք կկարողանան հանգիստ պատասխաններ ստանալ իրենց հետաքրքրող հարցերին՝ տնից դուրս չգալով, քանի որ քաղաքացիներին հասանելի ամբողջ տեղեկատվությունը հասանելի կլինի տեղեկատվական հարթակում։

Միաժամանակ, ինչպես նշել է պաշտոնյան, քաղաքացիներն, այնուամենայնիվ, մի շարք դեպքերում պետք է այցելեն կառույցի մասնաճյուղեր։ «Խոսքն ինչպես անշարժ գույքի ձեռքբերման, այնպես էլ դրա օտարման մասին է։ Այդ դեպքերում քաղաքացիներն, այնուամենայնիվ, պետք է ժամանակ տրամադրեն եւ այցելեն Կադաստրի կոմիտե»,- ասել է նա։

Երկրորդ փոփոխությունը վերաբերում է հնացած նմուշի սերտիֆիկատներին եւ վկայականներին, որոնք թարմացման կարիք ունեն։ «Հիմա փոփոխություններ մտցնելու դեպքում մենք էլեկտրոնային ճանապարհով կտրամադրենք նոր վկայականներ եւ սերտիֆիկատներ՝ աստիճանաբար շրջանառությունից հանելով հնացածները»,- տեղեկացրել է Կադաստրի կոմիտեի ղեկավարը։

Քննարկումներից հետո օրինագծերի փաթեթն արժանացավ դրական եզրակացության։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՀԿ նախագահ. մրգերի գներն էապես աճել են վատ բերքի պատճառով
ՀԿ նախագահ. մսամթերքի որոշ տեսակների գները զգալիորեն աճել են
Նրա խոսքով՝ տավարի միսը թանկացել է 20%-ով, խոզի միասը՝ մոտ 5%-ով, իսկ ոչխարի միասը՝ մոտ 10%-ով...
ՊԵԿ-ում անցկացվել է «Տրանսֆերային գնագոյացման կարգավորումները ՀՀ-ում» թեմայով հեռավար դասընթաց
ՊԵԿ տրանսֆերային գնագոյացման և հարկային համագործակցության բաժնի պետ Նաիրուհի Ավետիսյանը ներկայացրել է տրանսֆերային գնագոյացման...
Դոլարի փոխարժեքը շարունակում է աճել. Եվրոն էժանացել է
Թանկարժեք մետաղների համար բանկի կողմից սահմանվել են հետեւյալ գները...
«Աթենք». մսամթերքի գների լուրջ տատանումներ չեն նկատվում
Նա նշեց, որ ընկերությունը ձգտում է առավելագույնս վերահսկել գնաճը...
Գյուղացիական տնտեսություններին տրամադրվել է մոտ 14.000 վարկ (վիդեո)
Նշվում է, որ ծրագրի ընդհանուր բյուջեն կազմել է ավելի քան 19 մլրդ դրամ...