News
Լրահոս
News
Ուրբաթ
Հոկտեմբեր 18
USD
476.43
EUR
529.69
RUB
7.45
ME-USD
0.08
Տեսնել լրահոսը

Երբ մենք արտոնություն ենք տալիս ընկերություններին՝ ավելացված արժեքի հարկի վճարումը հետաձգում ենք երեք տարով եւ մաքսատուրքից ազատում ենք, դա ներդրումները խթանելու ըստ էության միակ գործիքն է: Այս մասին, այսօր՝ հունիսի 27-ին, կառավարության նիստում հայտարարեց ՀՀ վարչապետ Նիկոլ Փաշինյանը:

Նա համեմատեց, թե տվյալ գործիքի կիրառումով ինչ ենք ունեցել 2018 թվականի 5 ամիսներին եւ ինչ ունենք այս տարվա 5 ամիսներին:

«2018-ի առաջին 5 ամիսներին այս գործիքակազմով կառավարությունը հաստատել է 11 ծրագիր՝ 35,3 մլն դոլար ներդրման պայմանով եւ 502 աշխատատեղով: Այս տարվա 5 ամիսներին ունենք 25 ներդրումային ծրագիր, 254 մլն դոլարի ներդրման պայմանով եւ 2379 աշխատատեղով: Այսինքն այս գործիքի կիրառմամբ ներդրումների մասով ունենք 7 անգամ աճ, աշխատատեղերի մասով՝ 4 անգամ աճ»,-ասաց Փաշինյանը:

Նա նաեւ հավելեց, որ իրենք վերլուծել են այս ուղղությամբ կատարված քայլերը եւ պարզել, որ այդտեղ շոշափելի ռիսկեր չկան. «Մարդիկ 90 եւ ավելի տոկոսով ճշգրիտ կատարում են ծրագրերը, չկատարումները կապված են հետաձգումների հետ: Մենք ոչ մի դեպք չենք արձանագրել, որ չարամտություն կա այս համատեքստում:

Այս առումով նշանակալի է «Ադամյան» հեռուստացույցների արտադրության հետ կապված պատմությունը: Երբ կառավարությունն արտոնություն էր տալիս, մեծ աղմուկ էր բարձրացել, թե դա «ֆեյք» ներդրում է: իսկ այսօր ՀՀ քաղաքաղցիները կարող են խանութներից գնել «Ադամյան» արտադրության հեռուստացույցներ: Հիմա էլ կա այլ քննադատություն, որ հեռուստացույցի բաղադրիչները բերում են, այստեղ միայն հավաքում են: Իհարկե, այդպես է, սկզբում պետք է տեղի ունենա այդ քայլը, հետո հաջորդ քայլը»,-ասաց վարչապետը:

Իր հերթին ֆինանսների նախարար Ատոմ Ջանջուղազյանն ընդգծեց. «Սա, ըստ էության, միակ հասցեական արտոնությունն է: Մենք ունենք բազմաթիվ արտոնություններ, որոնցից ստացվող արդյունքը ոչ մի ձեւ չի չափվում: Այս գործիքը հասցեական է: Պետք է հարկային օրենսգրքում անդրադառնանք այդ արտոնությունների վերաիմաստավորմանը: Եթե դրանք տասնյակ տարիներով եղել են, բայց դրանց արդյունքը ոչ ոք չի կարողանում գնահատել, պետք է վերագնահատում անել եւ հասցեական դարձնել»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Դոլարի փոխարժեքը նվազել է. եվրոն թանկացել է շուրջ 3,5 դրամով
Թանկարժեք մետաղների համար բանկի կողմից սահմանվել են հետեւյալ գները...
Հայաստանի Հաշվեքննիչ պալատը 9,9 մլրդ դրամի լուրջ խախտումներ է հայտնաբերել
Նյութերի մի մասը ներկայացվել է դատախազություն՝ հետագա ստուգում անցկացնելու համար…
Հանքարդյունաբերությունը որպես ոլորտ աղետ է Հայաստանի համար, որից օգտվում են ընդամենը մի քանի հոգի. Թանդիլյան
Զանգեզուրի պղնձամոլիբդենային կոմբինատի պոչամբարից արտահոսքի արդյունքում Ողջի գետի աղտոտումը բնապահպանական լուրջ աղետ է...
ԱՎԾ–ն հիմա էլ ծառայում է Նիկոլ Փաշինյանին. Տնտեսական աճը բլեֆ է. Բագրատյան
Այնուամենայնիվ, 4.9-ը նշանակում է, որ երբ Նիկոլ Փաշինյանը օգոստոսի 5-ին Ստեփանակերտի հրապարակում ասում էր...
«Խոստովանենք, որ էս հարցը ես եմ սադրել»․ Փաշինյանը՝ խաղողի մթերման խնդիրների մասին
Նախորդ շաբաթ պարզվեց, որ Վայոց ձորի մարզում կա խաղաղի որոշակի քանակ, որն այն արագությամբ չի մթերվում, ինչը ենթադրվում էր եւ ինքը անհանգստություն էր...
Երբ ասում ենք՝ փողի խնդիր չունենք, դա չի նշանակում, որ կարող ենք դուրս գալ եւ ուղղակի փողը բաժանել. Փաշինյան
Մենք ռազմավարության վրա աշխատում ենք եւ եկել ենք եզրակացության, որ պոտենցիալ գումարները պետք է ներգրավել կապիտալ ծրագրերի վրա...