Մենք հանդիպում ենք մարզպետներին տարբեր ձեւաչափերով, այս անգամ որոշել էինք ընդհանուր հանդիպել, որովհետեւ ԱԺ պատգամավորների եւ մարզպետների հարաբերությունների հետ կապված խնդիրներ կային: Այս մասին, այսօր՝ հունիսի 27-ին, ԱԺ-ում լրագրողների հետ զրույցում նշեց «Իմ քայլը» խմբակցության պատգամավոր Վարազդատ Կարապետյանը:
«Այդ խնդիրները պարզաբանեցինք, որպեսզի հարաբերություններն ավելի հարթ ընթանան, մշտապես կարողանանք կապի մեջ լինել: Լսեցինք իրար եւ որոշել ենք, որ մշտապես պետք է իրար հետ հաղորդակցվենք, որ կարողանանք ավելի արդյունավետ աշխատել»,-ընդգծեց պատգամավորը:
Հարցին, թե որ մարզպետի աշխատանքից են պատգամավորները դժգահ, նա պատասխանեց. «Դժգոհության մասին ընդհանրապես խոսք չկար: Մեր խնդիրը դժգոհությունը չէր, հաշվետվություն ստանալը չէր: Մենք այսօր կայացրեցինք երկխոսության մեր մեխանիզմի մասին որոշում, թե ինչպես ենք հարաբերվելու մարզպետների հետ: Մինչեւ հիմա հնարավոր է՝ կապի խափանումներ լինեին պատգամավորների եւ մարզպետների միջեւ: Հիմա որոշեցինք, որ հատկապես ներդրումների մասով, քանի որ մարզպետները իրենց մոտ ավելի շատ են աշխատում ներդրողների հետ, որոշեցինք կապը պհել: Նաեւ կմշակենք առանձին մեխանիզմ մարզպետների եւ ԱԺ-ի հարաբերության: Գիտենք, ր Տարածքային կառավարման մասին օրենքն է քննարկվում, օրենքի որոշ դրույթներ նույնպես մարզպետների հետ քննարկեցինք եւ այսպես կշարունակենք»:
Վարազդատ Կարապետյանը կտրուկ բացառեց, որ հնարավոր է լինեն մարզպետների հրաժարականներ: