Հայաստանում լաբորատորիա չկա, որը կկարողանար արտադրանքի այս կամ այն տեսակի վերաբերյալ հարցմանը վերջնական պատասխան տալ: Հունիսի 27-ին ԱԺ-ում Տնտեսական հարցերով խորհրդարանական մշտական հանձնաժողովի նախաձեռնությամբ անցկացվող «Կաթի շուկայում ընթացիկ վիճակի մասին» թեմայով աշխատանքային բանավեճի ժամանակ ասաց Սննդամթերքի անվտանգության պետական տեսչության ղեկավար Գեորգի Ավետիսյանը:
Նրա խոսքով՝ այս ոլորտում այդ տեսակի լաբորատորիաները կատարում են «Սահմանադրական դատարանի» դեր, եւ Հայաստանում դրանք չկան: Նա հայտնեց, որ նախկինում երկրի տարածքում նման կարգի լաբորատորիաներ ստեղծելու փորձեր ձեռնարկվել են, սակայն դրանք անարդյունք են ավարտվել:
Ավետիսյանը միաժամանակ շեշտեց, որ Հայաստանում գործում են միայն 2 հետազոտական լաբորատորիաներ, եւ դրանց մասնագիտական գործունեությունը ոչ մեկի մոտ կասկածներ չպետք է հարուցի, քանի որ դրանք հավատարմագրված են ինչպես տեղական, այնպես էլ միջազգային մակարդակում:
