ՆԱՏՕ-ն Ս-400 «Տրիումֆ» զենիթահրթիռային համակարգերի մատակարարման խնդրի շուրջ առաջընթացի հույս ունի Քսանյակի (G20) գագաթաժողովի շրջանակում ճապոնական Օսակայում ԱՄՆ եւ Թուրքիայի նախագահներ Դոնալդ Թրամփի եւ Ռեջեփ Թայիփ Էրդողանի միջեւ հանդիպումից հետո։ Այս մասին հինգշաբթի ասել է Հյուսիսատլանտյան դաշինքի գլխավոր քարտուղար Ենս Սթոլտենբերգը մամուլի ասուլիսում, որը հրավիրվել էր Բրյուսելում տեղի ունեցած՝ ՆԱՏՕ պաշտպանության նախարարների նիստի արդյունքների վերաբերյալ, տեղեկացնում է ՏԱՍՍ-ը։
«Ողջունում եմ Թուրքիայի եւ ԱՄՆ-ի միջեւ երկխոսությունը, որը եղավ ե՛ւ այդ նիստում, ե՛ւ կլինի Օսակայում կայանալիք հանդիպմանը Թրամփի եւ Էրդողանի միջեւ։ Հուսանք, որ հարցը տեղից կշարժվի»,- ասել է նա։
