Ամերիկյան F-35 կործանիչների նախագծից Թուրքիայի բացառումը ՆԱՏՕ-ի պաշտպանության վրա լրջագույն ազդեցություն կունենա: Այս մասին հայտարարել է Թուրքիայի պաշտպանության նախարար Հուլուսի Աքարը, փոխանցում է Yeni Safak-ը:
Նրա խոսքով՝ F-35 նախագիծը «կոմերցիոն պայմանագիր» է, եւ Թուրքիան կպաշտպանի իր բոլոր իրավունքները:
Ընդգծելով, որ Թուրքիան ակնկալում է ԱՄՆ-ի հետ հարաբերություններ՝ հիմնված փոխադարձ հարգանքի եւ բարեկամության վրա, Աքարը հույս է հայտնել, որ 2 երկրներն էլ կկարողանան այս հարցում «կառուցողական ճանապարհով» առաջ ընթանալ: Նա նաեւ կրկնել է Թուրքիայի կոչը Թուրքիայի կողմից ռուսական Ս-400 հրթիռները գնելու հարցով ՆԱՏՕ-ի մասնակցությամբ աշխատանքային խումբ ստեղծել ԱՄՆ խնդիրները քննարկելու համար:
Ավելի վաղ Պենտագոնի ղեկավարի պաշտոնակատար Մարկ Էսփերը Աքարի հետ հանդիպման ժամանակ հայտարարել էր, որ Անկարային բացառում են F-35-ի ծրագրից եւ նա Ս-400 ձեռք բերելու դեպքում, որի մատակարարումը պետք է սկսվի հուլիսին, պատժամիջոցների կբախվի: Նախօրեին ԱՄՆ Սենատը քվեարկել էր Թուրքիայի 5-րդ սերնդի F-35 օդանավերի եւ համապատասխան տեխնոլոգիաների փոխանցման արգելքի օգտին:
