Հարյուրավոր մարդիկ հավաքվել են Ստամբուլի գլխավոր դատարաի առջեւ, որպեսզի աջակցեն ընդդիմադիր քաղաքական գործչին, որին սպառնում է 17 տարվա բանտարկություն կառավարության հասցեին թվիթների շարքի պատճառով։
Քանան Քաֆթանջըօղլուն, որը գլխավորում է ընդդիմադիր Ժողովրդա-հանրապետական կուսակցության Ստամբուլի բաժանմունքը, մեղադրվում է նախագահ Ռեջեփ Թայիփ Էրդողանին եւ թուրքական պետությունը թվիթներում «վիրավորելու» համար, որոնք հրապարակվել են 2012-2017 թվականներին։
Նրա կողմնակիցները հավաքվել են դատարանի մոտ՝ վանկարկելով «Կորչի ֆաշիզմը» եւ տանելով «Մենք արդարություն ենք պահանջում» պաստառներ։
Նա նաեւ մեղադրվում է «ահաբեկչության քարոզի» համար (Քրդական աշխատավորական կուսակցության ցիտատի է եղել)։
Նրա կողմնակիցներն ասում են, որ եւս մեկ թվիթ, որի մեջ, իբր, Քանանը մերժել է Հայոց ցեղասպանությունը, ֆեյք է եղել եւ ստեղծվել է այն բանի համար, որպեսզի վնասեն նրան։
Քաֆթանջըօղլուն կարեւոր դեմք էր Էքրեմ Իմամօղլուի՝ Ստամբուլի քաղաքապետի ընտրարշավում, որի հաղթանակն այս շաբաթ դարձավ Էրդողանի առաջին զգալի պարտությունն այն ժամանակվանից ի վեր, երբ իշխանության է եկել՝ 2003-ից։
