Օրինագծով նախատեսվում է պետական տուրք սահմանել մետաղի ջարդոնից արտադրված մի շարք ապրանքների համար, այդ թվում՝ նաեւ հայկական արտադրության: Հունիսի 28-ին ԱԺ արտահերթ նիստում «Պետական տուրքի մասին» օրենքում փոփոխություններ կատարելու մասին օրինագծի քննարկման ժամանակ ասաց էկոնոմիկայի նախարար Տիգրան Խաչատրյանը:
Նա նշեց, որ այս օրինագծի ընդունումը պայմանավորված է հայրենական արտադրողին համապատասխան հումքային բազայով ապահովելու անհրաժեշտությամբ, ինչպես նաեւ նպաստելու վերամշակող արդյունաբերության զարգացմանը: Նախարարը հայտնեց, որ 2013 թվականից Հայաստանում օրենք է գործում, որի համաձայն հանրապետությունից առանց տուրքի վճարման կարող է արտահանվել միայն սեւ մետաղից պատրաստի արտադրանքը, իսկ մետաղի ջարդոնի եւ ջարդոնի արտահանումը սահմանափակվում է տոննայի դիմաց 80 հազար դրամ տուրքով: Խաչատրյանը նշեց, որ արդյունքում, այդ ժամանակից ընդհուպ մինչեւ 2018 թվականի սեպտեմբեր երկրից դուրս է բերվել աննշան քանակությամբ մետաղի ջարդոն եւ ջարդոն: Նրա խոսքով՝ կառավարությունը օրենքում սողանցք է նկատել, որը թույլ է տվել հավաստագրի առկայությամբ, որը վկայում է, որ վերջնական արտադրանքն արտադրվել է Հայաստանում, երկրից արտադրանքը դուրս բերելիս մաքսատուրքի վճարումից խուսափել:
«Հանրապետությունում մետաղի ընդհանուր պաշարը, որը գնահատվում է 700 հազար-1 մլն տոննա, հաշվարկված է առնվազն 10-15 տարի տեղական կայուն արտադրության ապահովման համար: Սակայն այս պայմաններում մենք կարող ենք նոր մարտահրավերների առաջ հայտնվել»,- ընդգծեց Խաչատրյանը:
Նշենք, որ խոսքը թուջի մասին է, ինչպես վերամշակվող, այնպես էլ հայելային, ինչպես նաեւ մետաղի ջարդոնի եւ սեւ մետաղի ջարդոնի՝ հետագայում դրանք մետաղական ձուլակտորների վերածելու համար:
Էկոնոմիկայի նախարարը վստահ է, որ առաջարկվող փոփոխությունները թույլ կտան տեղական արդյունաբերական ընկերություններին մետաղի ջարդոնն օգտագործել տեղում որպես հումք՝ մրցունակ գներ ապահովելով վերջնական արտադրանքի համար: Այս ամենն, ինչպես նշեց Խաչատրյանը, թույլ կտա լուծել տեղական արտադրողների համար հումքային բազայի ապահովման խնդիրը, ինչպես նաեւ նպաստել տեղական արտադրության զարգացմանը, ինչն իր հեթրին հնարավորություն կտա նոր աշխախատեղեր ստեղծել:
