News
Լրահոս
News
Երեքշաբթի
Հունիս 28
USD
409.64
EUR
433.52
RUB
7.69
Տեսնել լրահոսը

Այո, ցավոք, Հայաստանում ուսուցիչների աշխատավարձը մոտ է նվազագույնին։ Բայց մենք  բարձրացնում ենք նվազագույն աշխատավարձը, որպեսզի մարդիկ կարողանան իրենց թույլ տալ հաց գնել։

Այս մասին NEWS.am-ի թղթակցի հետ զրույցում ասաց խորհրդարանի Տնտեսական հարցերի մշտական հանձնաժողովի նախագահ, կառավարող «Իմ քայլը» դաշինքի պատգամավոր Բաբկեն Թունյանը՝ պատասխանելով հարցին, թե կա արդյոք մտադրություն բարձրացնելու բյուջետայինների նվազագույն աշխատավարձն ընդհանրապես, եթե հաշվի առնենք այն փաստը, որ գործող իշխանությունը նախաձեռնել է նվազագույն աշխատավարձի բարձրացման օրինագիծ, ինչը կհանգեցնի նշանակությամբ տարբեր մասնագիտությունների ներկայացուցիչների աշխատանքի վճարման հավասարեցման, օրինակ՝ հավաքարարներինն ու ուսուցիչներինը։

Նրա խոսքով՝ առաջարկված օրինագծով իշխանությունները փորձում են լուծել միանգամից մի քանի խնդիրներ։ «Միաժամանակ պետությունը պետք է աշխատի այն ուղղությամբ, որպեսզի բարձրացնի աշխատավարձն առանձին ճյուղերում։  Օրինակ, ուսուցիչների աշխատավարձը, եթե ես չեմ սխալվում, կբարձրանա 10 տոկոսով (ի հաշիվ կրճատումների, ինչի մասին ոչ երկիմաստ խոսում էին իշխանության ներկայացուցիչները – խմբ.)։ Դրանք գործընթացներ են, որոնք միմյանց չեն խանգարում։ Այդ միջոցներով մենք լուծում ենք այն քաղաքացիների խնդիրները, որոնք ծայրահեղ փողի կարիք ունեն»,- պարզաբանել է Թունյանը։

Նա նշել է, որ նվազագույն սպառողական զամբյուղը ներկա պահին կազմում է 63 հազար դրամ եւ անթույլատրելի է համարել իրավիճակը, երբ նվազագույն աշխատավարձը ցածր է։ Ի պատասխան ճշգրտող հարցի, թե արդյոք իշխանությունների առաջարկած 68 հազար  դրամից եկամտահարկ կպահվի 23 տոկոսի չափով, եւ եթե այո, ապա այդ ժամանակ ինչպես է դա թույլ տալու լուծել խնդիրը, խորհրդարանական հանձնաժողովի նախագահն սկսեց պնդել, որ դա «մաքուր» աշխատավարձն է, իսկ եկամտահարկի հաշվառմամբ այն կկազմի մոտ 82 հազար դրամ։

Բաբկեն Թունյանը ճշգրտեց, որ  այս լրացումները, խորհրդարանի կողմից ընդունվելու դեպքում, պաշտոնապես կսկսեն գործել հաջորդ տարվա հունվարի 1-ից, սակայն օրենքն ինքը, ամենայն հավանականությամբ, կընդունվի այս տարվա աշնանը։

Կառավարող դաշինքի պատգամավորն ընդունեց, որ միակ ռիսկը ֆինանսական բեռի ավելացումն է գործատուի համար մասնավոր հատվածում, բայց կառավարության իրականացրած սոցիալական հետազոտությունները ցույց են տվել, որ գործատուների համար «դա այնքան էլ էական բեռ չէ, եւ նրանք ի վիճակի կլինեն հաղթահարել այն։

Նշենք, որ կառավարությունը հավանություն է տվել նվազագույն աշխատավարձը 55-ից 68 հազար դրամի բարձրացնելու օրինագծին։ Սակայն հիմնային աշխատավարձը, որի հիման վրա հաշվարկվում է բյուջետայինների մեծ մասի աշխատավարձը, չի փոխվի։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դոլարի նկատմամբ դրամի ամրապնդումը կարող է Հայաստանի տնտեսությունում ճգնաժամի վերածվել
Վերջին ամիսներին ԱՄՆ դոլարի նկատմամբ դրամի չափից ավելի ամրապնդում է նկատվում։ Եթե այս գործընթացն ունի օբյեկտիվ պատճառներ եւ հանգեցնում է տնտեսության մեջ դրական տեղաշարժերի, բնակչության կենսամակարդակի բարձրացման, ինֆլյացիայի զսպման, ապա դա կարելի էր միայն ողջունել։
Հայաստանի տնտեսական աճը փուչիկի պես պայթելու է
Ստացվում է, որ պարտքով ֆինանսավորում ենք ասֆալտապատման ծրագրերը, որոնց տնտեսական արդյունավետությունը...
Տեղի է ունեցել «ԿԱՆԱՉ Հայաստան» համատեղ հարթակի առաջին՝ քաղաքականությունների երկխոսությունը
Փոխվարչապետ Համբարձում Մաթևոսյանի գլխավորությամբ տեղի ունեցած քննարկմանը մասնակցել են Համաշխարհային բանկի Հարավային Կովկասի...
Վերին Լարսը փակ է. Հայկական ծիրանի վնասները կարող են գերազանցել 2,8 մլն. դոլարը
Այսօր հայտնի դարձավ, որ Ստեփանծմինդա-Լարս ավտոճանապարհը փակ է բոլոր տեսակի ավտոմեքենաների համար։ Հորդառատ անձրեւների հետեւանքով Թերեք գետը դուրս է եկել ափերից՝ հեղեղելով ճանապարհը, որի վնասված հատվածը կազմում է 80 կմ։ Այս ամենի հետեւանքով փակ է Վերին Լարսի անցակետը՝ ինչպես բեռների տեղափոխման, այնպես էլ ուղեւորների համար:
Քաղաքաշինության կոմիտեի ղեկավարը հետևել է մարզական կառույցների շինարարության ընթացքին
Հաջորդ կանգառը Արմավիրի մարզի Ջրառատ համայնքում էր, որտեղ կառուցվում է Սիմոն Մարտիրոսյանի անվան ծանրամարտի մարզադպրոցը...
Առաջին 5 ամիսներին ՀՀ տնտեսական ակտիվության ցուցանիշն աճել է 10.2%-ով
Ծառայությունների ծավալն աճել է 24.9%–ով...
Ֆոտոռեպորտաժներ