News
Լրահոս
News
Հինգշաբթի
Մարտ 28
Տեսնել լրահոսը

Իրանի Իսլամական Հանրապետության կառավարությունը հաստատել է Չինաստանից երկիր մուտք գործող զբոսաշրջիկների համար առանց մուտքի արտոնագրի ռեժիմի որոշումը: Այդ մասին կիրակի հաղորդել է «Սինհուա» գործակալությունը՝ մեջբերելով Իրանի մշակութային ժառանգության եւ զբոսաշրջության կազմակերպության ղեկավար Վալի Թեյմուրիի հայտարարությունը, հաղորդում է ՏԱՍՍ-ը:

Նրա խոսքով՝ չինացի զբոսաշրջիկներին այլեւս անհրաժեշտ չէ մուտքի արտոնագիր ստանալ երկիր այցելելու համար:

Անցած շաբաթ Իրանի նախագահ Հասան Ռոուհանին հանձնարարել էր երկրի ներքին գործերի նախարարին մտածել հանրապետություն ժամանող զբոսաշրջիկների անձնագրերում մուտքի կնիք չդնելու հարցի շուրջ: Այդ քայլը ձեռնարկվել էր օտարերկրյա քաղաքացիների այցելությունները դեպի Իրան հեշտացնելու նպատակով առանց մտահոգվելու, որ նրանց դեմ ԱՄՆ-ի կողմից ինչ-որ պատժամիջոցներ կգործադրվեն:

Անցած տարի ԱՄՆ-ի իշխանությունները նախազգուշացրել էին, որ որոշ պետություններ, մասնավորապես, Իրան այցելող անձանց նկատմամբ կարող են կիրառվել ԱՄՆ մուտք գործելու դեպքում առանձին սահմանափակումներ:

!
Այս նյութը հասանելի է նաև   English and Русский
Տպել
Ամենաշատ