News
Լրահոս
News
Երկուշաբթի
Օգոստոս 26
USD
475.99
EUR
526.4
RUB
7.25
ME-USD
0.14
Տեսնել լրահոսը

Հունիսի 20-ի արյունալի գիշերը տուժած 46-ամյա Դավիթ Գրիգորյանը մինչեւ երեկ կոմայի մեջ էր, եւ նրա առողջական վիճակը ծանր է։ Ընտանիքը երեք օր ապարդյուն որոնում էր նրան ցույցի ցրումից հետո։ Գրիգորյաններին վերջապես զանգահարել է բժիշկը եւ ասել, որ Դավիթ Գրիգորյանը շրջանային հոսպիտալում է եւ կոմայի մեջ է, տեղեկացնում է Գրուզիա-օնլայնը։

Փամփուշտը կպել էր Դավիթ Գրիգորյանի գլխին, այն ծակել է նրա գանգն ու վնասել ուղեղը։ Ոսկրի մասերը ցրվել են ուղեղի մեջ, ինչն էլ ավելի է բարդացրել նրա վիճակը։ Վիրավոր պացիենտի մասին ընտանիքին տեղեկացրել են միայն այն բանից հետո, երբ Գրիգորյանին վիրահատել են եւ Ալադաշվիլու կլինիկայից տեղափոխել շրջանային հոսպիտալ։

Ընտանիքը կասկածում է, որ տեղեկությունը միտումնավոր են թաքցրել, որպեսզի բազմահազարանոց ցույցի ֆոնին փողոց դուրս եկածները չիմանան, որ մասնակիցներից մեկին գնդակահարել են գլխից։

«Ռուսթավի 2» հեռուստաալիքը պարզել է, որ մարդը, որն արգելել է ասել ընտանիքի անդամներին Գրիգորյանի ծանր վիճակի մասին, Ալեքսանդր Սիկմաշվիլին է՝ ներքին գործերի նախարարության պահպանության ոստիկանության գործող աշխատակիցը։ Նա ապրում է Գրիգորյանի հարեւանությամբ։

 ՆԳՆ պահպանության ոստիկանության աշխատակիցը չի պատասխանում «Ռուսթավի 2-ի» հեռախոսազանգերին։ Նրա ընտանիքի անդամները հաստատել են, որ իշխանությունը հատուկ հետաքրքրություն ուներ տուժած պացիենտի հանդեպ, եւ Վրաստանի խորհրդարանի նախագահի՝ Արչիլ Թալակվաձեի եղբայրը անձամբ է վերահսկել, թե ով եւ ինչ նպատակով է այցելում պացիենտին։

Գրիգորյանի ճշգրիտ ախտորոշումը որդին մինչեւ հիմա չգիտի։ Նրան չեն տալիս բժշկական փաստաթղթերը եւ չեն կարող ասել նաեւ, թե ինչ փամփուշտով է հատուկ ծառայությունը կրակել ակցիայի 46-ամյա մասնակցին։

Այնինչ, հիվանդանոցը, որտեղ հիմա պառկած է Դավիթ Գրիգորյանը, թաքցնում է ամբողջ տեղեկատվությունը։ Կլինիկայի աշխատակազմը հաստատում է միայն այն, որ տուժած տղամարդը նախկինի պես այն վիճակում է, ինչ եւ 9 օր առաջ եւ առայժմ բուժումն արդյունք չի տվել։   

Դավիթ Գրիգորյանի առողջական վիճակով հետաքրքրվել է Հայաստանի դեսպանատունը, որից թաքցրել են ամբողջական տեղեկությունները եւ շրջանային հոսպիտալում կոմայի մեջ գտնվող պացիենտի մասին ասել են, որ նա իրեն ավելի լավ է զգում:

Գլխավոր հարցին՝ ցույցի մասնակցի վրա արդյոք դիմահա՞ր են կրակել, պետք է պատասխանի փորձաքննությունը: Փամփուշտի թռիչքի հետագծի հաստատումը չի մտնում բուժող բժիշկների իրավասության մեջ:

Ալադաշվիլու անվան հիվանդանոցից ասել են, որ փորձաքննություն դեռեւս չի նշանակվել, իսկ ընդդիմությունը հայտարարել է, որ գործին շտապ պետք է միանան անկախ փորձագետները:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Ռուսթավի-2»-ի հաղորդավարները հեռուստաընկերությունից իրենց հեռանալու մասին հայտնել են ուղիղ եթերում
Որտեղ, նրանց խոսքով, «տոտալ զտում է սկսվել»…
Պարոն Գաբունիան ինձ համար այլեւս լրագրող չէ. Պոզներ
Ոչ թե հակառուսական դիրքորոշման պատճառով, որի իրավունքն ունի, այլ լրագրության սկզբունքների խախտման…
Վրաստանի գլխավոր դատախազությունը Թբիլիսիի ցույցերը հեղաշրջման փորձ է անվանել
«Այդ փորձի իրականացման առաջին փուլում խորհրդարանի շենքը գրոհի է ենթարկվել...
Թբիլիսիում վնասվածք ստացած հայ ցուցարարը վերակենդանացման բաժանմունքից կտեղափոխվի պալատ. դեսպանություն
Նրանց փոխանցմամբ` Դավիթ Գրիգորյանի առողջական վիճակը գնահատվում է կայուն, եւ վերջինս այսօր կամ վաղը վերակենդանացման բաժանմունքից կտեղափոխվի պալատ...
Թբիլիսիում բախումների հետևանքով տուժածների թվում է Վրաստանի քաղաքացի Դավիթ Գրիգորյանը. Նրան վիրահատել են
Դեսպանությունը մշտական կապ է պահպանում բժիշկների հետ և Դավիթ Գրիգորյանի առողջական վիճակի մասին հանդես կգա հայտարարություններով...
Վրաստանի խորհրդարանի նախագահ է դարձել Առչիլ Թալաքվաձեն
Նա նշել է, որ Վրաստանի խորհրդարանի նախագահ լինելն իր համար մեծ պատասխանատվություն է...
Ամենաշատ