Հյուսիսային Կառոլինայից մի զույգ 25 հազար դոլար է վճարել իր սիրելի կատվի՝ Բուլոչկայի կլոնի համար, որն իրենց հետ էր ապրում 1999 թվականից, իրենց ամուսնության պահից ի վեր: Ամուսինների խոսքով՝ իրենց չի հուզում գինը, հաղորդում է Usa-ն:
Ամեն ինչ սկսվեց անցած տարի, երբ նրանք իմացան, որ իրենց սիրելի կատուն իրենց հետ ապրելու համար քիչ ժամանակ ունի, եւ որոշեցին կլոնավորել նրան:
Զույգը հոդված է կարդացել ամսագրում, որտեղ գրված էր դերասանուհի Բարբարա Սթրեյզանդի շան կլոնավորման մասին:
«Մենք ամիսների շարունակ սառցարանում պահում էինք ԴՆԹ-ն, չգիտեինք՝ ինչ անել: Սակայն որոշեցինք դիմել այդ քայլին: Մենք շատ էինք սիրում Բուլոչկային: Մեր երեխաները նրա հետ են մեծացել, նա ամեն գիշեր պառկում էր կնոջս կողքին բարձի վրա»,- պատմել է Բրայանը:
Կատուն սատկել է կլոնավորումից մեկ ամիս անց:
Կնոջ խոսքով՝ իրենց մխիթարում էր այն միտքը, որ «նորից կտեսնեն իրենց սիրելի կենդանուն»:
Զույգի խոսքով՝ կլոնը չի տարբերվում իրենց սիրելի Բուլոչկայից:
«Գինը մեզ չէր հուզում: Մենք այդ գումարը ծախսեցինք մեր սիրելի կենդանու վրա, որի հետ 20 տարի ենք անցկացրել»,- վսահեցրել է Բրայանը:
