News
Լրահոս
News
Հինգշաբթի
Մարտ 28
Տեսնել լրահոսը

Իրանը ոչինչ չի շահի՝ հրաժարվելով իր միջուկային ծրագրի պայմաններից։ Այս մասին ասել է Ֆրանսիայի արտաքին գործերի նախարարության մամուլի քարտուղար Ագնես ֆոն դեր Մյուլը՝ մեկնաբանելով ԻԻՀ նախագահ Հասան Ռոհանիի հայտարարությունն այն մասին, թե Իրանը կբարձրացնի ուրանի հարստացման մակարդակը, տեղեկացնում է Reuters-ը։

Նրա խոսքով՝ դա միայն կուժեղացնի լարվածությունը տարածաշրջանում։ «Ահա թե ինչու Ֆրանսիան իր եվրոպացի գործընկերների հետ միասին համառորեն խնդրել է Իրանին անհապաղ չեղարկել հարստացումը եւ ձեռնպահ մնալ հետագա միջոցներից, որոնք խափանում են նրա միջուկային պարտավորությունները»,- ասել է ֆոն դեր Մյուլը։

Եվրոպական տերությունները ջանում են Վաշինգտոնն ու Թեհրանը հանել առճակատման վիճակից եւ ցանկանում են  խուսափել դիվանագիտական դիմակայության թեժացումից։

Պատասխանելով հարցին, թե կարող է արդյոք Եվրոպայի կողմից ծրագրվող հատուկ ֆինանսական մեխանիզմն Իրանի հետ առեւտրի համար առաջարկել գոնե դեղերի եւ սննդամթերքների մատակարարումներ, ֆոն դեն Մյուլն ասել է, որ եվրոպական տերությունները ոչ մի ջանք չեն խնայում։ «Instex մեխանիզմը ստեղծվել է Եվրոպայի եւ Իրանի միջեւ օրինական գործնական գործողությունների ֆինանսական տրանզակցիաների թեթեւացում Իրանի կողմից իր միջուկային համաձայնագրի գծով պարտավորությունների լիակատար պահպանման հիման վրա։ Այդ մեխանիզմը ներկայում աշխատում է, եւ սկսվել է առաջին տրանզակցիաների գործարկումը՝ համագործակցությունը Իրանի հայելային կառուցվածքի հետ պետք է շարունակի աջակցել առեւտրային հոսքին»,- ասել է նա՝ մանրամասների մեջ չխորանակով։

Instex-ը բարտերային առեւտրի մեխանիզմ է, որն ուղղված է ուղղակի ֆինանսական փոխանցումներից խուսափելուն՝ ներկրողների եւ արտահանողների միջեւ հավասարակշռության փոխհատուցման ճանապարհով եվրոպական կողմում։ Իրանը գտնվում է համանման մեխանիզմի ստեղծման գործընթացում իրանական ընկերությունների համար։

Եվրոպացի դիվանագետները հայտարարել են, որ իրանական «հայելային» ընկերության կառուցվածքը դեռեւս ավարտված չէ, թեեւ եվրոպացիները ստեղծել են առաջավոր վճարային համակարգ, որը կկարողանար շուտով որոշ ոչ մեծ գործարքներ կատարել։

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱՄՆ-ն Նիգերին մեղադրել է Իրանի հետ ուրանի վերաբերյալ գործարք պատրաստելու մեջ. WSJ
Նիգերը որոշել է խզել ռազմական համաձայնագիրը Վաշինգտոնի հետ...
Իրանը հայտնել է, որ պատրաստ է քննարկել միջուկային գործարքի վերականգնումը ԵՄ ցանկության դեպքում
Իրանը պատրաստ է քննարկել...
ԱՄՆ- ն Իրանում ուրանի մակարդակի հարստացման աշխատանքները ռազմական բնույթի է համարում
Իրանը կպաշտպանի իր միջուկային ծրագրի խաղաղ զարգացման իրավունքը. Ռաիսի
Միջուկային զենք ունեցող երկրները ձգտում են թույլ չտալ Իրանի ժողովրդին իրականացնել իր օրինական իրավունքը...
Իրանը բավարար քանակությամբ հարստացված ուրան ունի միջուկային մի քանի մարտագլխիկ ստեղծելու համար․ «ՄԱԳԱՏԷ»-ի տնօրեն
Գործակալությունը գրում է, որ Իրանը խափանում է իր միջուկային ծրագրի ուսումնասիրության ուղղությամբ ձեռնարկվող միջազգային ջանքերը․․․
ԱՄՆ-ը և Եվրոեռյակի երկրները կարծում են, որ Իրանի ուրանի հարստացման տեմպերը քաղաքացիական նպատակներով չեն բացատրվում 
Ինչպես հետևում է փաստաթղթից, Մեծ Բրիտանիայի, ԱՄՆ-ի, Ֆրանսիայի և Գերմանիայի իշխանությունները կարծում են, որ Ատոմային էներգիայի միջազգային գործակալության (ՄԱԳԱՏԷ) զեկույցում պարունակվող տվյալները վկայում են այն մասին...
Ամենաշատ