News
Լրահոս
News
Երեքշաբթի
Հոկտեմբեր 15
USD
476.44
EUR
525.85
RUB
7.42
ME-USD
0.08
Տեսնել լրահոսը


Հունիսի 28-ին, 29-ին և 30-ին Վերին Անտառային 138/2 հասցեում տեղի ունեցավ «Ֆայն Քարս օֆ Արմենիա» (Fine cars of Armenia) ընկերության ավտոսրահի բացման արարողությունը։ Ի դեմս մի շարք բարձրաստիճան հյուրերի ներկա էին Իտալիայի արտակարգ և լիազոր դեսպան պրն. Վինչենցո Դել Մոնակոն, «Fiat Chrysler Automobiles Group (FCA)»  ընկերության տարածաշրջանի տնօրեն պրն. Ֆաբրիցիո Ֆորեոն և Հայաստանի «Ֆայն Քարս օֆ Արմենիա» գլխավոր գործադիր տնօրեն պրն. Մայքլ Աղիլին։

«Ֆայն Քարս օֆ Արմենիա» ավտոսրահը «Fiat Chrysler Automobiles»  ընկերության պաշտոնական ներկայացուցիչն է Հայաստանում և հանդիսանում է Կովկասյան տարածաշրջանի ամենամեծ ցուցասրահը, որտեղ միաժամանակ մի քանի բրենդներ են ներկայացված — Jeep, Alfa Romeo, Fiat, Fiat Professional, Chrysler, Dodge և RAM: «Fiat Chrysler Automobiles»  գրուպի կարգախոսն է - դիզայն, կատարողականություն, հարմարավետություն և մատչելիություն։

«Ֆայն Քարս օֆ Արմենիա»   ընկերություն հիմնադիր և գործադիր տնօրեն Մայքլ Աղիլին քաջ ծանոթ է հայկական շուկային դեռ 1994 թվականից ի վեր, սակայն վերջին քաղաքական փոփոխություններն էին, որ լավատեսությամբ լցնելով իրեն և իր գործընկերներին՝ դրդեցին այսպիսի ծանրակշիռ ներդրումներ կատարել հայկական շուկայում։  Պրն. Աղիլին նշում է. «Հայկական ավտոմոբիլային շուկան կարող է շատ փոքր թվալ ոմանց համար, սակայն Հայաստանում 1000 հոգուց մոտ 150-ը մեքենա ունեն: Հայաստանը մեծ ներուժ ունի այս առումով, սակայն այն, ինչ ինձ հիացնում է Հայաստանում հետխորհրդային տարիներին անգամ՝ մարդկային ռեսուրսն է։ Ընկերության նպատակն է յուրովի սպասարկել հայկական սպառողին, առաջարկել շրջակա միջավայրին հնարավորինս քիչ վնաս հասցնող մոդելներ և ընտրության հնարավորություն տալ մեր հաճախորդներին՝ առաջարկելով մոդելներ, որոնք հասանելի են թե՛ միջին կարգի, և թե՛ շքեղություն նախընտրող հաճախորդներին»։

«Ֆայն Քարս օֆ Արմենիա»  ընկերությունը ներկրելու է միմիայն Եվրո6 ստանդարտի մոդելներ, որոնք CO2 արտանետումների ծավալը հասցնում են նվազագույնի և համապատասխանում են ամերիկյան և եվրոպական անվտանգության ամենաբարձր չափանիշներին։ Ընկերությունը տրամադրելու է բարձրակարգ սպասարկում և հետվաճառքային ծառայություն, որը ներառում է տեխնիկական, էլեկտրական մասերի հետ կապված խնդիրների բազմապիսի լուծումներ ավտոսրահին կից տեղակայված նորոգման կետում։

«Ֆայն Քարս օֆ Արմենիա»   ընկերությունը նաև ստեղծելու է ավտոմոբիլներ ներմուծողների ասոցիացիա` կառավարությանը ներկայացնելու այս ոլորտի համար հույժ կարևոր նշանակություն ունեցող պետական ներմուծման վերաբերյալ նախագծեր։ Այսպիսով ընկերությունը ձգտում է ստանդարտացնելու տրանսպորտային միջոցների ներմուծումը Հայաստանում, պահպանելու անվտանգության միջազգային չափանիշները և պաշտպանելու սպառողների շահերը։

Եվս մեկ առավելություն` ֆինանսական և լիզինգային ծառայությունների մատուցում ավտոսրահի տարածքում: Ֆինանսական ծառայությունները մատուցվելու են մեկ պատուհանի սկզբունքով երկու ժամվա ընթացքում։ Ընկերությունը ֆինանսական ծառայությունների հասանելիությամբ նպատակ է հետապնդում նվազեցնելու Հայաստանում օգտագործված և անվտանգության չափանիշներին չհամապատասխանող մեքենաների առք ու վաճառքը։

Ընկերությունը նաև տրամադրելու է ոստիկանության համար նախատեսված Dodge Charger Pursued մոդելը, որի վառելիքային ծախսը չի գերազանցելու 11.8 լիտրը ամենածախսատար իրավիճակներում։ «Եթե հնարավոր է փրկել կյանքեր, ապա դա է առաջնայինը», նշել է Պրն. Աղիլին, անդրադարձ կատարելով անցյալ տարվա ողբերգական 4 ոստիկանի կյանք խլած ավտովթարին։ «Այս մոդելն ամենաշատն է օգտագործվում ԱՄՆ իրավապահ մարմինների կողմից. այն ունի դիմային և կողային անվտանգության բարձիկներ և մեքենայի վերևի մասում ներկառուցված խաչաձև ձողակառույցներ, որոնք ամենածանր վթարների դեպքում անգամ զգալիորեն բարձրացնում են ուղևորների անվտանգությունը»։

Ընկերության կորպորատիվ սոցիալական պատասխանատվության փաթեթը ուղղված է լինելու Հայաստանում բազմակի սկլերոզի հետազոտությանն ու բուժմանը,  եւ հատուկ կարիքներով անձանց սպասարկող հաստատությունների տեխնիկական վերազինմանը:

 

Տպել
Կարդացեք նաև
Ամբողջը
Volkswagen-ը մտափոխվել է Թուրքիայում գործարան կառուցելու հարցում
Volkswagen-ը հետաձգում է Թուրքիայում գործարանի կառուցումը...
Geely-ն լիովին բացահայտել է Icon նոր քրոսովերը
Ներսից, ինչպես եւ դրսից, սերիական Icon-ի ոճը նույնանուն այն կոնցեպտի լուծումներով է, որ 2018թ․ ապրիլին ցուցադրվել էր Պեկինի ավտոսրահում․․․
16-ամյա սիսիանցին վաճառքի է հանել իր հավաքած մեքենան. դեռ գնորդ չկա (ֆոտո)
Մեքենան 1000 դոլարով ցանկանում եմ վաճառել…
Tesla էլեկտրամոբիլների մոտ հայտնաբերվել են հիշողության հետ կապված լուրջ խնդիրներ
Ֆլեշ հիշողությունը սովորաբար հաշվարկված է ձայնագրության մի քանի տասնյակ հազարավոր ցիկլերի համար, որից հետո կրիչը սկսում է աշխատել խափանումներով եւ ի վերջո դադարում է գործել…
Ford Focus RS-ը վերածվել է 520 ձիաուժանոց հեչբեկի
Focus-ի համար պատրաստել են տարբեր հզորության երկու կետեր․․․
Toyota-ն ներկայացրել է Mirai ջրածնային սեդանի նախասերիական նախատիպը
Ներկայիս ջրածնային Toyota Mirai-ն հիմնված է Prius շասիի վրա, ունի առջեւի քարշակ, օրիգինալ դիզայն եւ հասցեագրված է էկոակտիվիստներին: Նոր մոդելը անցել է մոդուլային հետեւի քարշակի TNGA-N պլատֆորմին…
Ամենաշատ
Ֆոտոռեպորտաժներ