News
Լրահոս
News
Հինգշաբթի
Մարտ 28
Տեսնել լրահոսը

Մոսկվայի եւ Կիեւի երկխոսությունը՝ որպես Ռուսաստանի եւ Ուկրաինայի հարաբերությունների բարելավում, հնարավոր է, եթե հանրապետության նախագահ Վլադիմիր Զելենսկին կատարի նախընտրական խոստումները եւ սկսի խոսել Դոնբասի հայրենակիցների հետ։ Այս մասին ՌԴ նախագահ Վլադիմիր Պուտինն ասել է հինգշաբթի՝ Իտալիա այցի նախօրեին, Corriere della Sera թերթում հրապարակված հարցազրույցում, տեղեկացնում է ՏԱՍՍ-ը։

«Կիեւի հետ կառուցողական երկխոսությունը հնարավոր է, եթե Զելենսկին սկսի կատարել իր նախընտրական խոստումները, այդ թվում ուղիղ կապի մեջ մտնի Դոնբասի համաքաղաքացիների հետ, դադարի նրանց անվանել անջատողականներ։ Եթե ուկրաինական իշխանությունները կատարեն մինսկյան համաձայնագրերը եւ ոչ թե անտեսեն դրանք»,- ասել է Պուտինը։

ՌԴ նախագահն ավելացրել է, որ «Ուկրաինայի քաղաքացիները Զելենսկուց ու նրա թիմից սպասում են ոչ թե հռչակագրեր, այլ իրական գործողություններ, դեպի լավը արագ փոփոխություններ»։

Պուտինը նշել է, որ նոր ուկրաինական իշխանությունները պետք է լուծեն այն խնդիրները, որոնք մնացել են երկրի նախկին իշխանություններից։

«Բռնի ուկրաինացումը, Ուկրաինայի միլիոնավոր քաղաքացիներին մայրենի լեզվի՝ ռուսերենի օգտագործումն արգելելը, ներառյալ դրանով դասավանդումը բուհերում եւ դրոցներում, նեոնացիզմի կամայականությունը, քաղաքացիական կոնֆլիկտը երկրի հարավ-արեւելքում, նախկին իշխանությունների փորձերը՝ փլուզել միջդավանական փուխր խաղաղությունը, սրանք միայն անախորժ «բեռան» մի մասն են, որոնք պետք է լուծի նոր նախագահը»,- կարծում է նա։

«Եվ իհարկե, Կիեւի իշխանությունները պետք է վերջապես հասկանան, որ ընդհանուր շահերին է համապատասխանում ոչ թե Ռուսաստանի եւ Ուկրաինայի առճակատումը, այլ օգտակար համագործակցության զարգացումը վստահության եւ փոխըմբռնման հիման վրա։ Մենք դրան պատրաստ ենք»,- ասել է Պուտինը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Rai1. Զելենսկին հաստատել է, որ մտածում է Զալուժնիին փոխարինելու մասին
Ուկրաինայի նախագահ Վլադիմիր Զելենսկին հաստատել է, որ «մտածում է» Ուկրաինայի զինված ուժերի գլխավոր...
«Սա փակուղի չէ». Զելենսկին այն մասին, թե ինչ է կատարվում ճակատում
Մենք խնայում ենք մեր զինվորներին...
Զելենսկին ազատել է Միավորված ուժերի հրամանատարին
Գեներալ-մայոր Մոսկալյովն ազատվել է Միավորված ուժերի հրամանատարի պաշտոնից...
Թուրքիան եւ ՄԱԿ-ը Արեւմուտքից հացահատիկի գործարքի երաշխիքներ են սպասում. բանակցություններին ծանոթ աղբյուր
«Հացահատիկի գործարքի» ժամկետն ավարտվում է մարտի 18-ին...
Ուկրաինայի գլխավոր դատախազի տեղակալն Իսպանիայում հանգստանալու պատճառով հեռացվել է աշխատանքից
Ուկրաինայի գլխավոր դատախազի տեղակալին հեռացրել են աշխատանքից...
Անթռիչք գոտի Ուկրաինայում. հիմար գաղափարը վերադառնում է. 19fortyfive
Զելենսկին ՆԱՏՕ-ին կոչ է արել անթռիչք գոտի մտցնել Ուկրաինայում...
Ամենաշատ