Հուլիսի 3-ին՝ ծիրանի ֆեերիայի կիզակետին, որը պարգեւում է Հայաստանի առատաձեռն բնությունը, Երեւանի կոնյակի գործարանը ներկայացնում է ARARAT Apricot նորարարական խմիչքը (ֆոտոռեպորտաժ):
ARARAT-ի շարքի մեջ բացառիկ ARARAT Apricot-ն ավանդույթնների եւ վարպետության նոր արեւային բեկումն է: ARARAT Apricot-ը ստեղծված է 6 տարվա հնացման ARARAT կոնյակի հիմքով, որի օրգանոլեպտիկ հարստությունը լրացված է ծիրանի նուրբ համով:
130 տարվա պատմության մեջ առաջին անգամ ARARAT-ի կոնյակագործներն իրենց անգերազանցելի վարպետությունը կիրառել են ամբողջովին անսպասելի եւ Հայաստանի խորհրդանիշների՝ ARARAT կոնյակի եւ ծիրանի առավել նրբագեղ համադրության մեջ: Նման համադրության ներդաշնակությունը կանխորոշված էր պատմությամբ, քանզի լեգենդար հայկական կոնյակը, բծախնդրորեն հետեւելով ավանդույթներին եւ պահպանելով անվերապահ վավերականությունը, չէր կարող չմիավորվել Արարատյան դաշտավայրի ամենաառատաձեռն պարգեւներից մեկի՝ ծիրանի հետ:
Հնագույն ժամանակներից ի վեր Հայաստանում աճող այս բացառիկ միրգն աշխարհում հայտնի է որպես “Prunus Armeniaca (լատ.)” կամ “Հայկական սալոր”, ինչի մասին բազմիցս հիշատակվել է ինչպես ականավոր պատմաբանների, այնպես էլ հռոմեացի հրամանատարների վկայություններում:
Համային նոր չափանիշ սահմանող 35% թնդությամբ ARARAT Apricot-ն ունի անսպասելիորեն փափուկ համ, որտեղ կոնյակի ավանդական օրգանոլեպտիկ հատկանիշները նրբագեղորեն զարդարված են ծիրանի երանգներով:
«Հայտնի ապրանքանիշերի կողմից համային եզրերի ընդլայնումը ոլորտի զարգացման նոր ուղղությունն է: ARARAT-ը՝ որպես ամբողջ աշխարհում առավել հայտնի հայկական կոնյակ, չէր կարող ետ մնալ այս համաշխարհային միտումից: Եվ իհարկե, մեր առաջարկը պետք է լիներ առավելագույնս աութենտիկ եւ ամենաքմահաճ սպառողի պահանջներին համապատասխանող: Այս նորարարական հավաքածուի նոր արտադրանքի ստեղծման համար մոտ երկու տարի պահանջվեց, քանի որ չնայած ARARAT կոնյակների եւ ծիրանի ակնհայտ ներդաշնակությանը, մեզ համար կարեւոր էր գտնել համադրություններից ամենանրբագեղը: Շնորհիվ մեր վարպետների փորձի եւ սրտատրոփ վերաբերմունքի, որով նրանք աշխատել են այս արտադրանքի վրա, մենք այսօր ներկայացնում ենք հայկական առատաձեռն բնության մեր մեծարանքը՝ լեգենդար հայկական կոնյակի ամբողջովին նոր համային եզրը, որն արժանվույնս կգնահատեն ոչ միայն Հայաստանում, այլեւ ամբողջ աշխարհում»,- ասում է Երեւանի կոնյակի գործարանի գործադիր տնօրեն Անի Բերիաշվիլին:
Ընդգծել ձեր շքեղության ամենաարեւային եզրը եւ խմիչքը վայելել կարելի է ինչպես մաքուր, սառեցված տեսքով, այնպես էլ վառ ներկապնակի թարմեցնող կոկտեյլների միջոցով, որոնք մշակվել են հատուկ ARARAT Apricot-ի համար: Բոլոր կոկտեյլների բաղադրատոմսերը հասանելի են այստեղ՝ www.araratbrandy.com:
