ՄԱԿ-ում Հյուսիսային Կորեայի ներկայացուցչությունն ԱՄՆ-ին մեղադրել է «պատժամիջոցներով համակված լինելու» եւ Փհենյանի դեմ «թնշամական գործողությունների» մեջ, հաղորդում է CNBC-ը:
ՄԱԿ-ում Հյուսիսային Կորեայի ներկայացուցչությունը պատասխանել է ԱՄՆ-ի նամակին, որում ԱՄՆ-ը, Ֆրանսիան, Մեծ Բրիտանիան եւ Գերմանիան կոչ են անում ողջ աշխարհի երկրներին կոշտ միջոցներ կիրառել Փհենյանի դեմ:
Հյուսիսային Կորեայում հայտարարել են, որ ԱՄՆ-ը նամակ է հղել հունիսի 29-ին՝ այն օրը, երբ ԱՄՆ նախագահ Դոնալդ Թրամփը Twitter-ում գրել է, որ կցանկանար Կորեական թերակղզու ապամիջուկայնացված գոտում սեղմել Կիմ Չեն Ընի ձեռքը:
«Պետք չէ բաց թողնել այն փաստը, որ նամակներով խաղը խաղացել է ՄԱԿ-ում ԱՄՆ մշտական ներկայացուցչությունը՝ Պետդեպարտամենտի պահանջով նույն օրը, երբ նախագահ Թրամփն առաջարկել է բարձր մակարդակով հանդիպում կազմակերպել Կիմ Չեն Ընի հետ: ԱՄՆ-ը համակված է պատժամիջոցներով, նրանք պատժամիջոցները բոլոր խնդիրների համար դարման են համարում»,- ասված է հայտարարության մեջ: