Հոնկոնգի լրագրողների եւ ֆոտոլրագրողների ասոցիացիան ոստիկանությանը մեղադրել է լրագրողների եւ լուսանկարիչների նկատմամբ Մոնգկոկ առեւտրային շրջանում ցույցերը լուսաբանելու ժամանակ բռնություն կիրառելու մեջ, հաղորդում է ՏԱՍՍ-ը՝ հղում անելով South China Morning Post-ին:
«Մենք վճռականորեն դատապարտում ենք բռնության կիրառմամբ միջադեպերը»,- ասվում է հայտարարության մեջ:
Լրագրողները նշում են, որ ոստիկանները վիրավորել են նրանց եւ ֆիզիկական ուժ կիրառել: Նշվում է նաեւ, որ իրավապահների նման գործողությունները խոչընդոտել են լրագրողների աշխատանքին: Ասոցիացիան նշում է, որ այդպիսով ոստիկանությունը խախտել է ԶԼՄ-ների ազատության սկզբունքը:
Հայտարարության մեջ ասվում է նաեւ, որ լրագրողների մեծ մասը «Մամուլ» գրությամբ բաճկոններ է կրել եւ համապատասխան փաստաթղթեր է ունեցել, սակայն ոստիկանությունը դիտավորյալ հրել է նրանց:
Մեկ ամիս առաջ բողոքի ցույցեր են սկսվել օրինագծի դեմ, որով հարթեցվում է Հոնկոնգից Չինաստան Չինաստանի օրենքների խախտման մեջ մեղադրվող կամ հետախուզության մեջ գտնվող անձանց արտահանձնման մեխանիզմը:
Հանրության ճնշումների ներքո իշխանությունները համաձայնել են անորոշ ժամանակով հետաձգել այդ նախաձեռնությունը:
Վերջին ցույցերի ցրման ժամանակ 6 մարդ է ձերբակալվել: