Բելառուսի նախագահ Ալեքսանդր Լուկաշենկոն աջակցել է Մինսկում Ուկրաինայի, Ռուսաստանի, ԱՄՆ-ի, Մեծ Բրիտանիայի, Գերմանիայի, Ֆրանսիայի առաջնորդների մասնակցությամբ միջազգային հանդիպում անցկացնելու մասին Ուկրաինայի նախագահ Վլադիմիր Զելենսկիի առաջարկը, հաղորդում է «Բելթա»-ն՝ վկայակոչելով Բելառուսի նախագահի մամուլի ծառայության հաղորդագրությունը:
«Մեր նախագահն աջակում է Վլադիմիր Զելենսկիի առաջարկը: Այդ դիրքորոշումն անփոփոխ է: Այն նպատակ ունի մեկ սեղանի շուրջ հավաքել առաջնորդներին, որպեսզի լուծվեն կուտակված խնդիրները: Իսկ ինչ վերաբերում է հանդիպման վայրին… Այդ հարցում երկու կարծիք չի կարող լինել: Պատերազմը մեր շեմին է, եւ Մինսկը մշտապես համարվել է խաղաղ նախաձեռնությունների ու բանակցությունների հարթակ»,- ասված է հաղորդագրության մեջ:
