Դատախազությունը քրեական գործ է հարուցել ջրօգտագործողների ընկերության կողմից կեղծ փաստաթղթերի տրամադրման փաստով։ Այս մասին Ազգային ժողովի արտահերթ նիստում, Քրեական օրենսգրքում եւ հարակից օրենքներում փոփոխություններ կատարելու մասին օրինագծերի փաթեթի քննարկման ընթացքում, հուլիսի 9-ին ասել է Հայաստանի շրջակա միջավայրի նախարար Էրիկ Գրիգորյանը՝ պատասխանելով «Իմ քայլը» դաշինքի պատգամավոր Գայանե Աբրահամյանի հարցին, որը հետաքրքրվեց, թե արդյոք որեւէ մեկը պատասխանատվություն կկրի ստեղծված իրավիճակի համար։
Գրիգորյանը, մասնավորապես, հիշեցրել է, որ պետությանը հասցվել է 2,8 մլրդ դրամի վնաս։ «Եթե չեմ սխալվում, հարուցվել է քրեական գործ Արփա-Սեւան թունելի մասով։ Դրա արդյունքներով պարզ կդառնա, թե որքան բարեխղճորեն են իրականացվել աշխատանքները»,- նշել է նախարարը։ Գրիգորյանը նաեւ տեղեկացրել է, որ գերատեսչությունը դատախազություն է ուղարկել մերձափնյա տեղամասերի մաքրման մասին փորձաքննության տվյալները, եւ դրանց հիման վրա կիրականացվեն որոշակի գործողություններ։
