News
Լրահոս
News
Չորեքշաբթի
Հոկտեմբեր 16
USD
476.57
EUR
524.89
RUB
7.4
ME-USD
0.08
Տեսնել լրահոսը

Հայաստանի վարչապետ Նիկոլ Փաշինյանը եւ Եվրահանձնաժողովի նախագահ Դոնալդ Տուսկը քննարկել են փոխադարձ հետաքրքրություն ներկայացնող հարցերի լայն շրջանակ։ Այս մասին ասել է վարչապետ Փաշինյանը հանդիպման արդյունքների վերաբերյալ ճեպազրույցում։

Նշելով, որ ուրախ է Տուսկի Երեւան այցելության համար, Նիկոլ Փաշինյանը նշել է, որ սա արդեն առաջին հանդիպումը չէ համեմատաբար կարճ ժամանակում, եւ դրանք բոլորն անցել են բարեկամության եւ կառուցողականության մթնոլորտում։ Կողմերը քննարկել են Հայաստանի եւ ԵՄ-ի հարաբերություններին վերաբերող հարցերի լայն շրջանակ։ Տեղի է ունեցել մտքերի փոխանակում սեկտորալ ուղղությունների եւ հանրապետության ներքաղաքական կյանքի, տարածաշրջանային գործընթացների վերաբերյալ։ Վարչապետը նշել է, որ հաստատել է երկրի իշխանությունների քաղաքականությունը՝ ուղղված օրենքի գերակայության եւ դեմոկրատիայի ամրապնդման ապահովմանը, ինչպես նաեւ կոռուպցիայի դեմ պայքարին։ Վարչապետը տեղեկացրել է Եվրահանձնաժողովի նախագահին երկրի իշխանությունների ջանքերի մասին անկախ դատական համակարգի ստեղծման հարցում եւ ընդգծել եվրոպական կառույցների եւ մասնավորապես ԵՄ օժանդակության կարեւորությունը։

Նիկոլ Փաշինյանը նշել է ԵՄ երկրների հետ հարաբերությունների ընդլայնման կարեւորությունը եւ այս համատեքստում ընդգծել Հայաստան-ԵՄ համապարփակ եւ ընդլայնված գործընկերության համաձայնագրի արագ վավերացման անհրաժեշտությունը։ Վարչապետի խոսքով՝ դա գործիք է, որը ոչ միայն նպաստում է ԵՄ-ի հետ Հայաստանի հարաբերությունների զարգացմանը, այլեւ Հայաստանում բարեփոխումների օրակարգի իրականացմանը։ Վարչապետը նշել է, որ Հայաստանի գերատեսչությունները, ԵՄ համապատասխան մարմինների հետ համագործակցելով, մշակել են Համաձայնագրի կատարման ճանապարհային քարտեզ, որը նա հաստատել է հունիսի 1-ին։ Կողմերն անդրադարձել են վիզային ռեժիմի ազատականացման մասին երկխոսությունն սկսելու հարցին։ Նիկոլ Փաշինյանը նշել է, որ Հայաստանը շահագրգռված է այս հարցում եւ խնդրել է Դոնալդ Տուսկին ԵՄ երկրներին հաղորդել որքան հնարավոր է շուտ Համաձայնագրի վավերացման գործընթացն ավարտելու խնդրանքը։

Վարչապետը շնորհակալություն է հայտնել  ղարաբաղյան հակամարտության կարգավորման հարցում կշռադատված դիրքորոշման եւ համանախագահների ջանքերին անվերապահ աջակցության համար, ինչպես նաեւ ԵՄ դիրքորոշման անսասանության վստահություն է հայտնել այդ հարցում։ Ամփոփելով՝ Փաշինյանը հաջողություններ է մաղթել Դոնալդ Տուսկին հետագա գործունեության մեջ։

Հիշեցնենք, որ Տուսկը Երեւան է ժամանել Բաքվից։ 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Եղիսաբեթ II-ը խորհրդարանում ելույթի ժամանակ հրաժարվել է թագից
Թագուհին արարողությանը եկել է համապատասխան հագնված եւ բոլոր արարողակարգերը պահպանելով․․․
Եղիսաբեթ II-ը հայտարարել է, որ կառավարության առաջնահերթություններից է մինչեւ հոկտեմբերի 31-ը բրեքզիթի իրագործումը
Ավանդաբար թագուհու ուղերձը գրում է գործող կառավարությունը՝ ելույթում արտացոլելով իր գործունեության ծրագիրը...
Դոնալդ Տուսկը կոչ է արել Թուրքիային դադարել անօրինական հորատումը Կիպրոսի ափերի մոտ
Տուսկը հայտարարել է, որ նրա ներկայությունը Կիպրոսի մայրաքաղաքում Եվրամիության կողմից իր անդամ Կիպրոսի նկատմամբ սոլիդարության լիարժեք դրսեւորում է…
ԵՄ-ում անընդունելի են համարել Էրդողանի սպառնալիքները Եվրոպան փախստականներով հեղեղելու մասին
Դուռը փախստականների առջեւ բացելու Էրդողանի սպառնալիքներն անընդունելի են...
Գործարկվել է EU4Armenia հարթակը. ելույթ են ունեցել նախարարն ու ԵՄ դեսպանը
Հայաստանի համար Եվրամիությունը նույնն է, ինչ Հայաստանը Եվրամիության համար...
Ֆրանսիան դեմ է ԵՄ-ին Հյուսիսային Մակեդոնիայի եւ Ալբանիայի անդամակցման շուրջ բանակցություններ սկսելուն
Բանակցություններ սկսելու համար անհրաժեշտ է ԵՄ բոլոր 28 անդամ պետությունների միաձայն համաձայնությունը...
Ամենաշատ
Ֆոտոռեպորտաժներ