News
Լրահոս
News
Երեքշաբթի
Հոկտեմբեր 15
USD
476.44
EUR
525.85
RUB
7.42
ME-USD
0.08
Տեսնել լրահոսը

«ԳեոՊրոՄայնինգ» ընկերության կոչ է արել ՀՀ կառավարությանը մասնակցել «Ագարակի պղնձա-մոլիբդենային կոմբինատ»-ում ստեղծված իրավիճակի հանգուցալուծմանը:

«ԳեոՊրոՄայնինգ» հանքարդյունաբերական ընկերությունների միջազգային դիվերսիֆիկացված խումբը Հայաստանի Հանրապետության կառավարությանը կոչ է անում իրավասու մարմինների մասնակցությամբ կազմել բազմակողմ հանձնաժողով «Ագարակի պղնձա-մոլիբդենային կոմբինատ»-ում ստեղծված իրավիճակի հանգուցալուծման նպատակով։

Հուլիսի 3-ից Տեխնոլոգիական տրանսպորտի աշխատակիցների աշխատանքի չներկայանալու հետեւանքով Կոմբինատի աշխատանքը դադարել է՝ կաթվածահար անելով արտադրության պրոցեսը։ Կոմբինատի աշխատակիցները, աշխատանքային պայմանագրի խախտումով, առաջադրում են լրացուցիչ դրամական միջոցներ վճարելու պահանջ, ինչը երկկողմանի պայմանագրերով նախատեսված չէ։ Արտադրության դադարի հետեւանքով կոմբինատը, տեղական համայնքային եւ ՀՀ պետական բյուջեն զգալի նյութական վնասներ կկրեն։ 

Ագարակի կոմբինատի ղեկավարությունը կոչ է անում Հայաստանի Հանրապետության Ազգային ժողովի պատգամավորներին ձեռնպահ մնալ ընկերության հասցեին հնչեցվող էմոցիոնալ եւ անհիմն մեղադրանքներից եւ հայտնում է, որ կոմբինատը ամբողջությամբ կատարում է իր բոլոր պարտավորությունները կոմբինատի աշխատակիցների, համայնքային եւ ՀՀ պետական բյուջեի նկատմամբ, այդ թվում, աշխատավարձի, արտաժամյա աշխատանքի եւ հավելավճարների վճարման իր պարտավորությունները։

«ԳեոՊրոՄայնինգ» ընկերությունը, լինելով Հայաստանի տնտեսության խոշորագույն ներդրողներից մեկը, պետական մարմիններին կոչ է անում Կառավարության իրավասու մարմինների մասնակցությամբ կազմել բազմակողմ հանձնաժողով՝ ստեղծված իրավիճակը իրատեսորեն ուսումնասիրելու եւ լուծման ուղիներ որոնելու նպատակով։ 

«Ագարակի պղնձա-մոլիբդենային կոմբինատ»-ը «ԳեոՊրոՄայնինգ» ընկերության հայաստանյան ակտիվներից մեկն է։ Կոմբինատը գտնվում է Հայաստանի հարավում, Իրանի հանրապետության սահմանի մոտ եւ Մեղրիի տարածաշրջանի խոշորագույն արդյունաբերական օբյեկտն է։ 2007 թվականից Ընկերությունը «Ագարակի պղձա-մոլիբդենային կոմբինատի» զարգացման համար ներդրել է 79 մլն․ ԱՄՆ դոլար։  Բանվորների եւ ինժեներա-տեխնիկական անձնակազմի ( առանց ղեկավար կազմի ) միջին աշխատավարձը կազում է 340,000 ՀՀ դրամ։

«Ագարակի պղնձա-մոլիբդենային կոմբինատ» ՓԲ ընկերության կողմից 2008-ից մինչեւ 2018 թվականը ՀՀ պետական բյուջե վճարված հարկերը եւ այլ վճարները կազմել են  121․9 մլն․ ԱՄՆ դոլար, ներառյալ ԱԱՀ  գումարների վճարումները։ 2019 թվականին Ագարակի կոմբինատը նախատեսում էր ՀՀ բյուջե վճարել մոտավորապես 12 մլն․ ԱՄՆ դոլար, ներառյալ ԱԱՀ գումարների վճարումները։

Գործունեության արդյունքները ամփոփելով նշենք, որ «ԳեոՊրոՄայնինգ» ընկերությունը Հայաստանի Հանրապետության տնտեսության զարգացման համար ներդրել է ավելի քան 530 մլն ԱՄՆ դոլար։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Տնտեսական ցուցանիշները ՀՀ-ում չեն համապատասխանում հեղափոխությունից ակնկալիքներին. փորձագետ
Կառավարության տնտեսական քաղաքականությունը չի համապատասխանում տնտեսական հեղափոխությանը, ասել է Իշխան Կարապետյանը...
Գույքահարկի բարձրացումը կազդի ՀՀ բնակչության խոցելի շերտերի վրա. փորձագետ
Նրա խոսքով՝ հավասարաչափ եկամտահարկի սկզունքի ներդրումը կառավարությունը որոշել է փոխհատուցել գույքահարկի բարձրացմամբ...
Մինչեւ հոկտեմբերի 20-ը Հայաստան կգա 2000 միավոր նոր դրամարկղային մեքենա. ՊԵԿ
Մինչեւ հոկտեմբերի 20-ը Հայաստանը կստանա 2000 նոր դրամարկղային մեքենա...
Ի՞նչ է կարճաժամկետ վարկը եւ ինչ առավելություն ունենք դրանք
Այսօր կյանքը դարձել է ավելի դինամիկ եւ ամենաթանկ ռեսուրսը դարձել է ժամանակը…
ՀՀ ՊԵԿ փոխնախագահը քաղաքական ռիսկեր չի տեսնում ապօրինի ձեռք բերված գույքի բռնագանձման օրինագծում
Էդվարդ Հովհաննիսյանը քաղաքական ռիսկեր չի տեսնում ապօրինի ձեռք բերված գույքի բռնագանձման մասին օրինագծում...
Արմեն Սարգսյանի հրավերով «Airbus»-ի բարձրաստիճան պատվիրակությունը կժամանի Հայաստան
Օդանավերի արտադրությամբ զբաղվող «Airbus» ընկերությունը խոշորագույն ավիացիոն...
Ամենաշատ