Հայաստանն իր շահերն ունի, Իսրայելը՝ իր, եւ դա նորմալ է։ Այս մասին լրագրողների հետ զրույցում ասել է Հայաստանում Իսրայելի նորանշանակ դեսպան Էլիավ Բելոցերկովսկին՝ պատասխանելով Բաքվին զենք մատակարարելու մասին հարցին։
Հարցին, թե արդյոք այդ հարցը բարձրացվել է Հայաստանի ղեկավարության հետ հանդիպման ընթացքում, դեսպանը պատասխանել է,որ այդ մասին ավելի լավ է հարցնել հայկական կողմից։
«Իմ նպատակը Հայաստանի հետ հարաբերությունները զարգացնելն է։ Հայաստանի հետ հարաբերություններն առաջնային ենք համարում եւ դրանք կամրապնդենք նաեւ հետագայում»,- ասել է դեսպանը։