News
Լրահոս
News
Երեքշաբթի
Հոկտեմբեր 22
USD
475.96
EUR
530.36
RUB
7.48
ME-USD
0.08
Տեսնել լրահոսը

Եվրամիությունը քննարկում է Թուրքիայի դեմ սահմանափակող միջոցառումներ մտցնելու հարցը Անկարայի կողմից Կիպրոսի մերձափնյա շրջանում երկրաբանական հետախուզական աշխատանքներ անցկացնելու պատճառով: Այս մասին այսօր հայտնել է Reuters գործակալությունը՝ վկայակոչելով ԱԳ նախարարների մակարդակով ԵՄ Խորհրդի հայտարարության նախագիծը:

«Թուրքիայի ապօրինի երկրաբանական հետախուզական աշխատանքների շարունակման լույսի ներքո ԵՄ-ն որոշել է դադարեցնել օդային տրանսպորտի վերաբերյալ Համապարփակ համաձայնագրով բանակցությունները եւ որոշում է ընդունել անորոշ ժամանակով հրաժարվել բարձր մակարդակով հետագա հանդիպումներից»,- նշված է փաստաթղթում, որը քննարկվելու է հուլիսի 15-ին Բրյուսելում ԵՄ ԱԳ նախարարների հանդիպման ժամանակ:

Դրանից բացի, ԵՄ Խորհուրդը կառաջարկի կրճատել 2020 թվականին Թուրքիային ֆինանսական աջակցությունը, ինչպես նաեւ Եվրոպական ներդրումային բանկին կոչ կանի վերանայել Թուրքիային առնչվող իր գործունեությունը: Գործակալությունը նշում է, որ ԵՄ-ն պատրաստ է երկրի դեմ ավելի խիստ պատժամիջոցներ մտցնել, եթե չդադարեցնի երկրաբանական հետախուզական աշխատանքները:

Անկարան, որը վիճարկում է Կիպրոսի բացառիկ տնտեսական գոտու սահմանները, ավելի վաղ շրջան էր ուղարկել «Ֆաթիհ» նավը՝ հայտարարելով, որ հորատումը կտեւի մինչեւ սեպտեմբերի 3-ը: Կիպրոսի իշխանությունները հունիսի 10-ին թույլատրել էին  թուրքական «Ֆաթիհ» հորատման նավի անձնակազմի անդամների կալանավորումը: Չնայած դրան, Թուրքիան հուլիսի 4-ին դեպի Կիպրոս էր ուղարկել հորատման երկրորդ «Յավուզ» նավը՝ շելֆում երկրաբանական հետախուզական աշխատանքներ անցկացնելու համար:

Թուրքիայի նախագահ Թայիփ Էրդողանը հայտարարել էր երկրի պատրաստակամության մասին պաշտպանելու շելֆային հանքավայրերի նկատմամբ կիպրոսցի թուրքերի իրավունքները, այդ թվում՝ զինված ուժի կիրառմամբ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արայիկ Հարությունյանը ԵՄ դեսպանի հետ քննարկել է Erasmus+ ծրագրի շրջանավարտների ցանց ստեղծելու
ՀՀ կրթության, գիտության, մշակույթի և սպորտի նախարար Արայիկ Հարությունյանն այսօր ընդունել է Հայաստանի Հանրապետությունում Եվրոպական միության պատվիրակության ղեկավար, դեսպան Անդրեա Վիկտորինին...
Մենք ԵՄ-ի հետ ծավալել ենք լայնամասշտաբ եւ փոխշահավետ համագործակցություն. ԱՆ փոխնախագահ
Մեկնարկել է «Աջակցություն արդարադատության նախարարությանը ԵՄ չափորոշիչներին համապատասխան իրավական մոտարկման հարցում» դասընթացը...
Կրթությունն ու մշակույթը՝ Հայաստան-ԵՄ համագործակցության համատեքստում․ ԿԳՄՍ նախարարն ընդունել է ԵՄ ներկայացուցչին
Կրթության, երիտասարդության, սպորտի եւ մշակույթի հարցերով գլխավոր տնօրենին…
Մեծ Բրիտանիայի խորհրդարանում շաբաթ օրը բրեքզիթի ծրագրի հարցով քվեարկություն տեղի կունենա
Դա վճռորոշ պահ կդառնա, որը, հավանաբար, վերջ կդնի այն փակուղուն, որում հայտնվել էր Մեծ Բրիտանիան...
Հայաստան-ԵՄ նիստ. Բրյուսելում ստորագրվել է Արբիտրների ցանկը հաստատելու մասին որոշումը
ՀՀ-ԵՄ Առեւտրի հարցերով գործընկերության կոմիտեի երկրորդ նիստի ավարտին…
Brexit-ի անցումայինն շրջանը կերկարաձգվի մինչեւ 2020թ․ վերջը
Բրիտանիան կձգտի ԵՄ-ից դուրս գալուց հետո դաշինքի հետ կնքել ազատ առեւտրի մասին հավակնոտ համաձայնագի․․․