News
Լրահոս
News
Չորեքշաբթի
Նոյեմբեր 13
USD
477.4
EUR
526.81
RUB
7.46
ME-USD
0.06
Տեսնել լրահոսը

Արարատի մարզի Զոդի կամրջի վրա տեղի ունեցած ողբերգական ավտովթարի մասնակից «Տոյոտա Հիլուքս» մակնիշի ավտոմեքենայի վարորդ Սողոմոն Հակոբյանին ձերբակալել են հենց հիվանդանոցում՝ ծանր կայուն վիճակում։ Այս մասին NEWS.am–ին հայտնեց Հակոբյանի պաշտպան, փաստաբան Սեդա Սաֆարյանը։ Վերջինս երեկ է ներգրավվել գործով որպես պաշտպան։

Նա նշեց, որ պատրաստվում են բողոքարկել ձերբակալման որոշումը։

Նշենք, որ երեկ՝ հուլիսի 10–ին Արարատի մարզի դատարանը որոշում է կայացրել երկու ամսով կալանավորել Սողոմոն Հակոբյանին։ Նրան մեղադրանք է առաջադրվել ՔՕ 242-րդ հոդվածի 3-րդ մասով (ճանապարհային երթեւեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է երկու կամ ավելի մարդու մահ):

Սաֆարյանը նշեց, որ միջնորդել էին դատարանին Հակոբյանի նկատմամբ, որպես այլընտրանքային խափանման միջոց կիրառել գրավը, սակայն դատարանը մերժել է։

«Իմ պաշտպանյալը կոտրվածքներ ուներ և այսօր բժիշկիները պետք է վիրահատեին նրան, սակայն այդ վիճակով նրան տարան դատարան, որտեղից էլ «Դատապարտյալների հիվանդանոց» ՔԿՀ»,–ասաց փաստաբանը։

Հարցին, արդյոք Հակոբյանն ընդունում է առաջադրված մեղադրանքը, Սաֆարյանը պատասխանեց.

«Այն, որ բախումն իր մեքենայի հետ է եղել, ընդունում է, սակայն, որ հրդեհը և դրա արդյունքում մահացություններն իր գործողությունների հետևանքով է եղել, չի ընդունում»։

Հարցին արդյոք ընդունու՞մ է, որ իր պաշտպանյալի վարած մեքենան հանդիպակաց գոտի է դուրս եկել  բախվել «ԳԱԶԵԼ» մակնիշի ավտոմեքենային, փաստաբանը պատասխանեց.

«Իմ պաշտպանյալն ասում է, որ իր գծով գնալիս է եղել, սակայն մի հատված կա, որը վիճարկելի է. ասում են հոծ գիծը մի փոքր հատել է, սակայն մենք դեռ չգիտենք՝ դա այդպես է, թե՝ ոչ»,–ասաց նա՝ նշելով, որ  իր պաշտպանյալը բնակավայրում արագ չի երթևեկում։

Անդրադառնալով այն տեղեկություններին, թե դեպքից հետո իր պաշտպանյալը լքել է դեպքի վայրը, Սաֆարյանը նշեց, որ նա ի վիճակի չի եղել անգամ քայլելու, նրան տեղափոխել են «Արտաշատի» ԲԿ, որտեղ և բուժօգնություն են ցուցաբերել։

Ավելի վաղ հայտնել ենք, որ 2019 թվականի հուլիսի 6-ին՝ժամը 15:00-ի սահմաններում,  Արարատ քաղաքի Զոդի կամրջի վրա, միմյանց են բախվել «ԳԱԶԵԼ», «Տոյոտա Հիլուքս» և «ՎԱԶ 21063» մակնիշի ավտոմեքենաները, որի արդյունքում հրդեհ է բռնկվել «ԳԱԶԵԼ» մակնիշի ավտոմեքենայում, այնուհետև հրդեհը տարածվել է «Տոյոտա Հիլուքս» մակնիշի և «ՎԱԶ 21063» մակնիշի ավտոմեքենաներում:

Վթարի հետևանքով ստացած այրվածքներից «ԳԱԶԵԼ» մակնիշի ավտոմեքենայի վարորդը և վերջինիս հինգ ուղևորները տեղում մահացել են (6 դիերից մեկն արական սեռի է, հինգը՝ իգական), «ԳԱԶԵԼ»-ում գտնվող մյուս ուղևորները, ինչպես նաև «Տոյոտա Հիլուքս» մակնիշի ավտոմեքենայի վարորդը և ուղևորները՝ ընդհանուր 11 մարդ, մարմնական տարբեր վնասվածքներով տեղափոխվել բժշկական կենտրոններ:

Տպել
Կարդացեք նաև
Ամբողջը
Որպես անհետ կորած որոնվող 31-ամյա Մայա Ժիդկովան հայտնաբերվել է
Ոստիկանության Արաբկիրի բաժնի ծառայողների ձեռնարկած օպերատիվ-հետախուզական միջոցառումների շնորհիվ…
Իսակովի պողոտայում մեքենաներ են բախվել. Վիրավոր երեխային հասցրել են հիվանդանոց
Դեպքի վայր է մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ…
Առեւանգված 21-ամյա քույրը հայտնաբերվել է. երկուսն էլ ձերբակալվել են
Նոյեմբերի 12-ին, ժամը 13.10-ին, Չարենցավանի մի բնակիչ հաղորդում է տվել, որ առավոտյան 21-ամյա քրոջը առեւանգել եւ տարել են անհայտ ուղղությամբ…
Էջմիածնում «ԿամԱԶ»-ը վրաերթի է ենթարկել հեծանվորդին, որը տեղում մահացել է
Նոյեմբերի 12-ին, ժամը 18.15-ի սահմաններում, Էջմիածին քաղաքի Մաշտոցի…
Խաչատուրյան քույրերի ընկերուհիների դեմ սպանության հրահրման մասին դիմում է ներկայացվել
Խաչատուրյան քույրերի երկու ընկերուհիների դեմ դիմում են գրել...
Փաստաբանների պալատի հայտարարությունը՝ ձերբակալված փաստաբանների վերաբերյալ
Փաստաբանների պալատը կրկին անգամ կոչ է անում փաստաբաններին չներգրավվել կոռուպցիոն հարաբերություններում եւ հավատարիմ մնալ փաստաբանի մասնագիտական կոչմանը…
Ֆոտոռեպորտաժներ