News
Լրահոս
News
Երկուշաբթի
Օգոստոս 19
USD
475.92
EUR
527.46
RUB
7.22
ME-USD
0.14
Տեսնել լրահոսը


Կառավարությունն իր այսօրվա՝ հուլիսի 11-ի նիստում որոշում կայացրեց նպատակային ուսուցման համար տարկետման իրավունք սահմանել միջին մասնագիտական կրթական ծրագրով սովորող քաղաքացիների համար:

Հարցը ներկայացրեց պաշտպանության նախարար Դավիթ Տոնոյանը՝ նշելով, որ այսօրվա դրությամբ մոտ 479 քաղաքացի չի զորակոչվելու:

«Պատիվ ունեմ» ծրագրի շրջանակներում դասակի հրամանատարների պատրաստման ուղղությամբ պայմանագրային զինվորական ծառայություն անցնելու պայմանագրի ժամկետը նվազեցվում է և սահմանվում է 2 տարի 3 ամիս ժամկետով, որում առաջին 3 ամիսը՝ պարտադիր զինծառայողի կարգավիճակով պատրաստություն անցնելու, և 2 տարին՝ կրտսեր սպայական կազմի պայմանագրային զինծառայություն անցնելու ժամանակահատվածն է»,-ասաց նախարարը՝ հավելելով, որ փոխվում են նաեւ «Պատիվ ունեմ» ծրագրին մասնակցելու մրցույթի պայմանները, որի հիմքում դրվում է սովորողի կամ դիմորդի առաջադիմությունը:

Դավիթ Տոնոյանի խոսքով, քանի որ նշված դրույթներն ունեն բարելավող բնույթ, նախատեսվում է դրանց գործողությունը տարածել նաև նախկինում կնքված պայմանագրերի վրա:

«Պարոն վարչապետ, մենք գնացել ենք այդ քայլին, քանի որ մեզ համար նաեւ միջին մասնագիտական կրթությունն է կարեւոր: Բայց ունենք նաեւ մոտ 40 հոգի, որ կամավոր ընդհատում են ուսումն ու մեկնում ծառայության: Շուտ գնալու խնդիր է, ուզում են, օրինակ, այս տարի գնալ բանակ, ոչ թե հաջորդ տարի»,-ասաց Տոնոյանը:

Նա նշեց, որ «Պատիվ ունեմ» ծրագրով ՊՆ-ի պատվերը 350 տեղ է, որից 320-ը՝ դասակի հրամանատարի ծրագրով, 30-ը՝ բժշկական մասնագիտություններից գծով. «320 տեղի համար դիմողների քանակը եղել է 324, որից 281-ը ստացել է դրական գնահատական»:

Որոշման նախագծի մի շարք դրույթներ նախատեսվում է ուժի մեջ մտցնել 2019թ. սեպտեմբերի 1-ից՝ որպեսզի դրանց գործողությունը չտարածվի 2019-2020 ուսումնական տարվա շրջանակներում «Պատիվ ունեմ» ծրագրի կազմակերպման գործընթացի վրա:

ՀՀ կրթության, գիտության, մշակույթի և սպորտի նախարար Արայիկ Հարությունյանն ասաց, որ նախագիծը թույլ կտա ավելի շատ արդեն դիպլոմավոր մասնագետներ զորակոչել բանակ եւ ըստ էության, կրթական մակարդակի աճ կապահովել:

Արաձագանքեց Դավիթ Տոնոյանը. «Եթե ընթացքում չհիվանդանան, էդ տենդենցն էլ է լինում»:

Վարչապետ Նիկոլ Փաշինյանը ժպիտով արձագանքեց. «Չէ, քանի որ մենք հիմա 0-ից մինչև 18 տարեկաններին անվճար բուժում ենք իրականացնում, հիմա նրանք այլևս չեն հիվանդանա, առողջություն մաղթենք բոլորին»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Պարբերաբար նման խանութների գործունեությունը ստուգվում է. Արծրուն Հովհաննիսյան
Մամուլում բարձրացված հարցերից մեկին ի պատասխան նշենք, որ ՀՀ ՊՆ-ը Զինառի գործունեությունը համակարգում է...
Զորակոչի հետ կապված բողոքների կտրուկ նվազում ունենք. ՊՆ փոխնախարար
Դա աննախադեպ արդյունք է...
«Սիմվոլիկ ավելացում». Ժամկետային զինծառայողների դրամական ապահովության ամսական չափը կավելացվի 2000 և 1000 դրամով
Կարծում եմ, շատ սիմվոլիկ ու կարեւոր քայլ է, արձանագրենք, որ գումարները բացարձակ մեծ չեն…
Ենթասպայի դին հայտնաբերվել է ծառից կախված. դեպքի առթիվ նյութեր են նախապատրաստվում. ՔԿ
Ձեռնարկվում են անհրաժեշտ գործողություններ՝ դեպքի բազմակողմանի, լրիվ եւ օբյեկտիվ հետազոտումն ապահովելու ուղղությամբ...
Բանակում գողության միջոցով դավաճանության աստիճանի վնաս են հասցնում. Վովա Վարդանով
Վովա Վարդանովն էլ ասաց, որ նախորդ իշխանության օրոք ընդունված օրենքներն այս իշխանությունների օրոք են աշխատում…
Զորակոչվել է կանխատեսվածից մոտ 15 տոկոս ավելի քաղաքացի. Արծրուն Հովհաննիսյանը՝ 2019թ. ամառային զորակոչի մասին
Տոկոսը հիմնականում կապված է մեր քաղաքացիների հայրենիք վերադարձի...