News
Լրահոս
News
Շաբաթ
Հուլիս 20
USD
476.48
EUR
535.52
RUB
7.56
ME-USD
0.17
Տեսնել լրահոսը

Նվազագույն աշխատավարձի բարձրացման համար թե որքան լրացուցիչ միջոցների կարիք կլինի, կախված կլինի ընդունվող օրենքից։ Այս մասին այսօր՝ հուլիսի 11-ին, լրագրողների հետ զրույցում ասաց ֆինանսների նախարար Ատոմ Ջանջուղազյանը՝ պատասխանելով հարցին, թե լրացուցիչ որքան գումար է պետք նվազագույն աշխատավարձը 55 հազար դրամից 68 հազար դրամ դարձնելու համար, արդյոք շուրջ 69 մլրդ դրամ լրացուցիչ գումար է անհրաժեշտ, որպեսզի բարձրացվի նվազագույն աշխատավարձը։

 «Շատ էական կախվածություն ունի այդ հարցի պատասխանը նրանից, թե ինչ բովանդակությամբ կընդունվի օրենքը, այսինքն՝ ինչպիսին կլինի փոփոխությունը, քանի որ նվազագույն աշխատավարձից կախված է բազային աշխատավարձը, հիմնական աշխատավարձը, որն իր արտացոլումը գտնում է պետական պաշտոնների զբաղեցնող անձանց վարձատրության մասին օրենքով այդ գործակիցներով հիմնական աշխատավարձի հաշվարկման ժամանակ։

Բայց եթե հիշում եք՝ կառավարության նիստում քննարկման ժամանակ էլ նշվել է, որ չի ենթադրում, որ սա ազդելու է պետական պաշտոնյաների հիմնական աշխատավարձի վրա։ Ինչ լրացուցիչ միջոցների կարիք կլինի, կախված կլինի ընդունվող օրենքից»,–նշեց նա։

Իսկ կենսաթոշակի համար լրացուցիչ միջոցների գնահատված չափը, ֆինանսների նախարարի խոսքով,  25 միլիարդ դրամ է, որը կվերջնականացնի Աշխատանքի եւ սոցիալական հարցերի նախարարությունը. «Բյուջեն այլ աղբյուր, քան պետական բյուջեի եկամուտներն են եւ ներգրավվող պարտքն է, չունի, մենք պարբերաբար հարկեր/ՀՆԱ հարաբերակցության աճ ենք ակնկալում, որը նաեւ բացահայտում է, թե ինչ ակնկալիքներ ունենք տնտեսության չդիտարկվող հատվածից, այս տարի ակնկալում ենք հարկեր/ՀՆԱ հարաբերակցության բարձր ցուցանիշ»։

Հարցին՝ եթե 2020 թվականին նախատեսվում է կենսաթոշակների բարձրացում, ապա 2020 թվականի ծախսերը որքա՞ն են ավելանալու եւ տնտեսական աճը կապահովի՞ այդ եկամուտները, նա պատասխանեց. «Մենք կարծում ենք որ տնտեսական աճը ավելիի հնարավորություն է ընձեռելու, ավելի բարձր են լինելու թե՛ եկամուտները, թե՛ ծախսերը: Մենք գնացել ենք հավասարակշռված, գնահատված սցենարով, որը մեզ հուշում է, որ միջին 5 տոկոս աճի հավանակությունը 40-45 տոկոս միջակայքում է»։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դոլարի փոխարժեքն աճել է. Եվրոն էժանացել է ավելի քան 2 դրամով
Թանկարժեք մետաղների համար բանկի կողմից սահմանվել են հետեւյալ գները...
«Ժամանակ».Վրաստանը կարող է հոկտեմբերից արգելել ցամաքային ճանապարհով ցորենի ներկրումը. Հայաստանում հացն ու միսը կթանկանա
Հայաստանի կառավարությանը հաջողվեց հանել այդ արգելքը, սակայն խնդիրը նորից ակտուալ է դառնում...
Վարչապետն ընդունել է «Ամբեր Կապիտալ» ընկերության ներկայացուցիչներին
«Ամբեր Կապիտալը» շահագրգռված է Հայաստանում ակտիվ գործունեություն ծավալելու հարցում և պատրաստ է փոխշահավետ գործակցության...
Դոլարի փոխարժեքը նվազել է. արժեզրկվել է նաեւ եվրոն
Թանկարժեք մետաղների համար բանկի կողմից սահմանվել են հետեւյալ գները...
«Ես ցանկանում եմ լինել ձեր կողքին այս շոգին». «Իմ քայլի» պատգամավորը՝ Ագարակի կոմբինատի աշխատակիցներին (վիդեո)
Պատգամավորը նախ նշեց, որ եկել է տեղում իրավիճակին ծանոթանալու…
Հայաստանի ֆոնդային բորսայում տեղի է ունեցել 40 մլրդ դրամ ծավալով պետական պարտատոմսերի տեղաբաշխման աճուրդ
Ներկայում Հայաստանի ֆոնդային բորսան ու ՀՀ ֆինանսների նախարարությունը հնարավորություն են տալիս Հայաստանի քաղաքացիներին առցանց գնել պետական…
Ամենաշատ