News
Լրահոս
News
Երեքշաբթի
Հոկտեմբեր 15
USD
476.57
EUR
524.89
RUB
7.4
ME-USD
0.08
Տեսնել լրահոսը

ԱՄՆ անարդար եւ անհիմն որոշումը՝ չինական Huawei ընկերությունը սեւ ցուցակում ներառելու մասին վնաս  է հասցնում նրա ամերիկյան մատակարարներին եւ գլոբալ հաճախորդներին։ Այս մասին ասել է ընկերության նախագահ Լյան Հուան, տեղեկացնում է AP-ը։

Նա նշել է, որ չինական տեխնիկական հսկան նախագահ Դոնալդ Թրամփի հետ շփման ոչ մի արդյունք դեռ չի ստացել ամերիկյան ընկերություններին որոշ բաղադրիչների վաճառքը թույլատրելու մասին եւ կոչ է արել Վաշինգտոնին հանել Huawei-ը սեւ ցուցակից։

ԱՄՆ-ը մեղադրում է Huawei-ին չինական լրտեսությանն աջակցելու մեջ։ Ընկերությունը չի ընդունում մեղադրանքը։ Նրա հիմնադիր Ռեն Չժենֆեյն ասել է, որ հունիսին ընկերությունը կրճատել է վաճառքի կանխատեսումները 30 մլրդ դոլարով հաջորդ երկու տարիների համար։

Թրամփը խոստացել էր թույլատրել որոշ բաղադրիչների վաճառքը, բայց ասել էր, որ ընկերությունը կմնա «սեւ ցուցակում» այնքան ժամանակ, մինչեւ որ կավարտվեն առեւտրային բանակցությունները Վաշինգտոնի եւ Պեկինի միջեւ։

«Մինչեւ հիմա որեւէ փոփոխություն չենք զգացել»,- ասել է Լյանը։

Չնայած ԱՄՆ արտահանման սահմանափակմանը, Huawei-ի հասույթն այս տարվա առաջին կեսին ավելացել է, բայց մանրամասներ հաղորդելուց հրաժարվել է։

Թրամփի արտահանական սահմանափակումները վնաս են հասցնում չիփերի եւ այլ տեխնոլոգիաների ամերիկյան մատակարարներին, որոնց համար Huawei-ը խոշոր գնորդներից մեկն է։

Լյան Հուայի խոսքով՝ Huawei-ը որոշում է, թե ինչպես արձագանքի Google Android համակարգը կորցնելուն իր բջջային հեռախոսների համար։ «Android բաց օպերացիոն համակարգը եւ էկոհամակարգը նախկինի պես մեր առաջին ընտրությունն են»,- ասել է Լյանը՝ նշելով, որ ընկերությունը մտածում է՝ արժե՞ արդյոք ստեղծել սեփական օպերացիոն համակարգը։

Huawei-ը նաեւ սեփական միկրոսխեմաներ եւ այլ տեխնոլոգիաներ է ստեղծում, որոնք թույլ կտան կրճատել ծախսերի ծավալը ԱՄՆ բաղադրիչներից եւ պաշտպանել ընկերությունը մատակարարումների հնարավոր խափանումներից։ Հունվարին Huawei-ը հայտարարել է հաջորդ սերնդի սմարթֆոն ստեղծելու ծրագրերի մասին սեփական չիփերի հիման վրա։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նոր եւ ավելի հասանելի iPhone-ը Apple-ից՝ 399 դոլարով, կհայտնվի վաճառքում հաջորդ տարվա 1-ին եռամսյակում
399 դոլարանոց նոր iPhone-ը վաճառքում կհայտնվի եկող տարվա առաջին եռամսյակում...
Հակոբ Արշակյանը ԱՄէ-ում մասնակցում է «Արհեստական բանականությունը սպորտում» համաժողովին
Դուբայի թագաժառանգ եւ Դուբայի սպորտային խորհրդի (DSC) նախագահ Ն.Գ. Շեյխ Համդան բին Մուհամմեդ բին Ռաշիդ Ալ Մակտումի հովանավորության ներքո...
Հայաստանը հարուստ անցյալ եւ փայլուն ապագա ունի. Նուբար Աֆեյան
«Ավրորայի» նպատակը տարբեր մոտեցումներ առաջարկելն է...
Բլոկչեյն տեխնոլոգիաները զենք են կոռուպցիայի եւ չարաշահումների դեմ. Նուբար Աֆեյան
«Կան բազմաթիվ ոլորտներ, որոնք կարող են բարեփոխվել եւ էապես զարգանալ բլոկչեյնի շնորհիվ»...
YouTube-ում մեկնաբանությունն առաջին անգամ միլիոն լայք է հավաքել
Այժմ լայքերի քանակը գերազանցում է 1,1 միլիոնը...
Լիբերալ օրենսդրությունը կրիպտոարժույթի հարցում կբարձրացնի հետաքրքրությունը Հայաստանի հանդեպ. փորձագետ
Առավելագույն ազատական օրենսդրությունը կրիպտոարժույթների հարցում կբարձրացնի հետաքրքրությունը Հայաստանի հանդեպ...
Ամենաշատ
Ֆոտոռեպորտաժներ