News
Լրահոս
News
Ուրբաթ
Ապրիլ 03
USD
504.5
EUR
551.62
RUB
6.43
ME-USD
0.03
Տեսնել լրահոսը

Բոլոր խոշոր կայանների ու ենթակայանների կրիչներից բոլոր տվյալները ստացված են, վերլուծական փուլում են գտնվում. վերլուծությունից հետո երբ պարզ դառնա, թե որ հատվածից է վթարը սկսվել, պատճառների վերաբերյալ հնարավոր կլինի որեւէ բան ասել: Այս մասին այսօր՝ հուլիսի 12-ին լրագրողների հետ զրույցում նշեց Տարածքային կառավարման եւ ենթակառուցվածքների փոխնախարար Հակոբ Վարդանյանը՝ անդրադառնալով երկու օր առաջ էներգետիկ համակարգում տեղի ունեցած վթարին:

Նրա խոսքով, այս պահին երկու վարկած կա. մեկը, որ հնարավոր է հաճախականության տատանումը եկած լինի Իրանից, մյուսը, որ մեր ներքին խնդիրների, տեխնոլոգիական խնդիր առաջացած լինի երկու կայաններում (Հրազդանի ՋԷԿ-ի 5-րդ էներգաբլոկ եւ Երեւանի ՋԷԿ):

Դիտարկմանը, որ վարչապետ Նիկոլ Փաշինյանը նշել էր, որ ներքին պատճառը բացառվում է, երկու վարկած կա, երկուսն էլ արտաքին են, Հակոբ Վարդանյանն ասաց. «Վարչապետի հայտարարությունից հետո ուսումնասիրման դինամիկան փոխվել է: Վարչապետին զեկուցվել է այդ պահին առկա վարկածները, սակայն մենք հիմա չենք բացառում, որ վթարը եղել է ներքին տեխնոլոգիական խնդրի պատճառով «Երեւան ՋԷԿ»-ում կան «Հրազդանի ՋԷԿ»-ի 5-րդ էներգաբլոկում: 

Երբ ամբողջական պատկերը պարզ լինի, ես ավելի հստակ կասեմ: Հիմա ճիշտ չի կտրված բաներ ասել, որոնք միգուցե հետո հերքվեն: Չեմ կարող ասել, թե որն է ավելի հավանական տարբերակ: Մենք մեր իրանցի գործընկերներից հենց առաջին րոպեներից տեղեկություն ենք ստացել, որ իրենք ունեցել են վթար, հետո իրենցից ստացել ենք տեղեկություն, որ վթարը լոկալ է եղել եւ չի հասել մեզ: Մեր տեսչական մարմինները պետք է զբաղվեն այս հետաքննությամբ եւ զբաղվում են»:

Փոխնախարարի խոսքով, մոտ մեկ ամսվա ընթացքում կլինի պատասխանը. «Միգուցե հնարավոր է երկարի, չեմ կարող ասել, որովհետեւ բազմաթիվ տվյալներ են ճշտվում: Հաճախականության տատանումները մոտ 35-40 րոպե են տեւել: Պետք է ստուգվեն բոլոր կրիչները, որոնք բազմաթիվ են: Մենք համագործակցում ենք բոլոր իրավապահ մարմինների հետ եւ տրամադրում ենք այն տեղեկությունները, որ ունենք»:

Հարցին, թե էներգետիկ ցանցի ապահովվածությունը հաքերային հարձակումներից ինչ մակարդակի վրա է, նա արձագանքեց. «Բարձր մակարդակի վրա է, բայց ամբողջ աշխարհում ամենահուսալի բանն էլ հնարավոր է խափանել, որովհետեւ ստեղծված է մարդու կողմից, մարդն էլ կարող է խափանել: Այսօր գործող լավագույն համակարգն է Հայաստանում ներդրված, չկա աշխարհում ամենալավը»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նավթի շուկայի կայունացման համար ՕՊԵԿ+-ի փոխարեն նոր գործարքի մասին խոսք չկա. Պեսկով
«ՕՊԵԿ+-ի փոխարեն որեւէ կոնկրետ կամ նույնիսկ վերացական գործարքների մասին դեռ ոչ ոք չի խոսել...
Նավթի գների պատերազմը կարող է մինչեւ տարվա վերջը ձգվել․ փորձագետ
Գները տարվա սկզբից ընկել են ավելի քան 60%-ով՝ այն բանից հետո, երբ ՕՊԵԿ+-ին չհաջողվեց հասնել համաձայնագրի․․․
Կազմակերպությունների համար բնական գազի սակագինը ավելանում է․ սպասվում է նոր գնաճ. Սուրեն Պարսյան
«Գազպրոմ Արմենիա» ընկերության հայտի համաձայն՝ 2020թ. հուլիսի 1-ից ՀՀ բնական գազի բոլոր սպառողների համար, բացառությամբ էլեկտրական էներգիա արտադրող...
Թրամփը հայտարարել է, որ պատրաստ է օգնել լուծել նավթի գների շուրջ «պատերազմը» ՌԴ-ի եւ Սաուդյան Արաբիայի միջեւ
«Երկու երկները քննարկում են դա: Եվ ես կմիանամ համապատասխան ժամանակ, եթե դրանում անհրաժեշտություն լինի...
«Գազպրոմ Արմենիան» դիմել է ՀԾԿՀ՝ առաջարկելով հուլիսի 1-ից սպառողների համար գազի սակագինը բարձրացնել 36 %-ով
Ընտանեկան կամ սոցիալական նպաստի իրավունք ունեցող սպառողներին տարեկան մինչև 600 խորանարդ մետր բնական գազի համար…
2020 թվականին նավթի գները կպահպանվեն բարելի դիմաց 40 դոլարից ցածր մակարդակում
Brent-ը եւ WTI-ն այժմ վաճառվում են բարելի դիմաց 20 դոլարի սահմաններում...
Ֆոտոռեպորտաժներ