News
Լրահոս
News
Կիրակի
Դեկտեմբեր 15
USD
477.51
EUR
533.9
RUB
7.66
ME-USD
0.05
Տեսնել լրահոսը

ՀՀ զինված ուժերում եւ ԱՀ ՊԲ-ում 2019թվականի առաջին կիսամյակի ընթացքում արձանագրվել է 29 զինծառայողի մահվան դեպք։ Այս մասին ֆեյսբուքյան իր էջում գրել է Գլխավոր դատախազի խորհրդական Գոռ Աբրահամյանը։

«Հաշվի առնելով, որ զինված ուժերում մահվան դեպքերը, դրանց պատճառները մշտապես գտնվում են հանրության, իրավապաշտպանների եւ լրատվամիջոցների ուշադրության կենտրոնում եւ որոշակի պարբերականությամբ տվյալներ են հայցվում նաեւ ՀՀ դատախազությունից՝ տեղեկացնում եմ հետեւյալը.

ՀՀ զինված ուժերում եւ ԱՀ ՊԲ-ում 2019թ. առաջին կիսամյակի ընթացքում արձանագրվել է 29 զինծառայողի մահվան դեպք, որոնցից 8-ը՝ ժամկետային զինծառայող, 13-ը՝ պայմանագրային զինծառայող, 3-ը՝ ենթասպա եւ 5 սպա:

29-ը զինծառայողներից 11-ի մահվան դեպքերը կապված են եղել զինվորական ծառայություն անցնելու հետ, 18-ինը՝ տեղի է ունեցել զինվորական ծառայության հետ չկապված հանգամանքներում:

2018թ. նույն ժամանակահատվածում ՀՀ զինված ուժերում եւ ԱՀ ՊԲ-ում արձանագրվել էր 31 զինծառայողի մահվան դեպք, որոնցից 19-ը՝ զինվորական ծառայություն անցնելու հետ կապված, 12-ը՝ վերջինիս հետ չկապված:

Այսինքն ընդհանուր մահվան դեպքերը նվազել են 2-ով, զինվորական ծառայություն անցնելու հետ կապված դեպքերը՝ 8-ով կամ 42 տոկոսով, իսկ զինվորական ծառայության հետ չկապված հանգամանքներում մահվան դեպքերը, ցավոք, ավելացել են 6-ով կամ 50 տոկոսով:

Այս տարվա ընթացքում զինվորական ծառայություն անցնելու հետ կապված մահվան դեպքերը՝ ըստ պատճառների, ունեն հետեւյալ պատկերը՝ համադրված նախորդ տարվա նույն ժամանակահատվածում արձանագրված վիճակի հետ.

• 2-ը՝ հակառակորդի կողմից կատարված սպանության հետեւանքով (2018թ.1-ին կիսամյակին՝ 5),

• 3-ը՝ ինքնասպանության կամ ինքնասպանության հասցնելու հետեւանքով (6),

• 0-ը՝ զենքի օգտագործման կանոնների խախտման հետեւանքով (1),

• 1-ը՝ հիվանդությունից (2),

• 0-ը՝ ականի պայթյունից (1),

• 3-ը՝ սպանության հետեւանքով (1),

• 1-ը դժբախտ պատահարից (1),

• 1-ը՝ ծառայության հետ կապված ավտովթարներից (1),

• 0-ը՝ մարտական ծառայություն կրելու կանոնների խախտման հետեւանքով (1):

Զինվորական ծառայության հետ չկապված հանգամանքներում մահվան դեպքերի պատճառները հետեւյալներն են՝ համադրված նախորդ տարվա նույն ժամանակահատվածում՝ առաջին կիսամյակում արձանագրված վիճակի հետ.

• 10-ը՝ ծառայության հետ չկապված ավտովթարներից (2018թ.1-ին կիսամյակում՝ 6),

• 7-ը՝ հիվանդությունից (5),

• 0-ը՝ դժբախտ պատահարներից (1),

• 1-ը՝ ինքնասպանություն եւ ինքնասպանության հասցնել (0)։

Որպես հետգրություն նշեմ, որ ավելի վաղ հրապարակվել է «Հելսինկյան քաղաքացիական ասամբլեայի Վանաձորի գրասենյակ»-ի զեկույցը զինված ուժերում մահվան դեպքերի վերաբերյալ, որտեղ որպես ստացված տվյալների պաշտոնական աղբյուր, հղում է կատարվել նաեւ ՀՀ գլխավոր դատախազությանը: Սակայն խնդրո առարկայի վերաբերյալ գլխավոր դատախազությունը կիսամյակի կտրվածքով դեռեւս ամբողջական տեղեկատվություն չի տրամադրել որեւէ սուբյեկտի: Պարոն Արթուր Սաքունցից ստացվել է պաշտոնական հարցում, որին ամենասեղմ ժամկետում կտրվի հարցման էությունից բխող պարզաբանումներով լիարժեք պատասխան»,–ասված է գրառման մեջ:

Տպել
Կարդացեք նաև
Ամբողջը
Ինչպես են Հայաստանի իշխանությունները որոշել բանակի միջոցով առաջ տանել սպորտը․ պարզաբանում
Նրա խոսքերով՝ այս օրենսդրական նախաձեռնությունը հնարավորություն կտա Զինված ուժերի կազմում վերականգնել սպորտային ակումբը․․․
Հայաստանի ԶՈՒ-ում սպորտային ակումբ կբացվի․ քննարկումներ խորհրդարանում
ՊՆ-ում նաեւ անհրաժեշտ են համարել սպորտային ստորաբաժանումների ստեղծումը․․․
ՀՀ Զինված ուժերում մարզական ակումբ կբացվի. քննարկումներ խորհրդարանական հանձնաժողովում
Մարզական ակումբ կբացվի ՀՀ ԶՈւ-ում...
Բանակում քրեական բարքերի համար անհրաժեշտ է ավելի խիստ պատժել, քան քաղաքացիական կյանքում. փոխնախարար
Արդեն հարուցվել են մի քանի քրեական գործեր…
ԱԺ-ն առաջին ընթերցմամբ չի ընդունել զինծառայողներին մինչեւ ինքնասպանության հասցնելու համար պատժի խստացման մասին օրինագիծը
Այսպես՝ առաջարկվում է օրենսգիրքը լրացնել նոր հոդվածով, որի համաձայն...
Կստանա՞ն արդյոք հաշմանդամության 3-րդ խումբ ունեցող զինծառայողները փոխհատուցում. քննարկում ԱԺ-ում
Օրինագիծը նախատեսում է փոխհատուցման վճարում 3-րդ խմբի հաշմանդամ զինծառայողներին...
Ամենաշատ