Արարատի մարզի Սիս համայնքի ճանապարհի ասֆալտապատումը մեկնարկեց։ Այս մասին ֆեյսբուքի իր էջում գրել է տարածքային զարգացման եւ ենթակառուցվածքների նախարար Սուրեն Պապիկյանը։ Նա նաեւ լուսանկարներ է հրապարակել։
Ավելի վաղ վարչապետը Սիս համայնքի բնակիչներին խոստացել էր վերանորոգել տեղի ավտոճանապարհը:
Հիշեցնենք, որ Սիս համայնքի երեխաները վերջերս բողոքել էին, որ վարչապետը խոստացավ եւ «գլխառադ» արեց։
Կառավարության նիստերից մեկում էլ վարչապետը դիմելով տարածքային կառավարման նախարար Սուրեն Պապիկյանին, նշել էր. «Պարոն Պապիկյան, համացանցում տեսանյութ է շրջանառվում, որտեղ երեխաներն ասում են՝ Նիկոլ Փաշինյանը եկավ, խոստացավ ու գնաց, ոչինչ էլ չի արվում: Այդ ճանապարհն ի՞նչ եղավ, ինչի՞ չենք սարքում, երեխեքը բողոքում են»։
Պապիկյանը խոստացել էր, որ այդ ճանապարհը առաջիկայում կասֆալտապատվի։
