Սոմալիի հարավում հյուրանոցում իրագործված ահաբեկչական հարձակման հետեւանքով զոհվել է առնվազն 7 մարդ, հայտնում է BBC News-ը:
Նշվում է, որ զոհվածների թվում է նաեւ կանադա-սոմալիական հեռուստաալիքի լրագրող Հոդան Նալայեխը:
Ոստիկանությունը եւ ականատեսները հայտարարում են, որ հարձակումը կատարել է պայթուցիկով լցոնված ավտոմեքենայով մահապարտը՝ նավահանգստային Կիսմայո քաղաքում մխրճվելով «Ասասեյ» հյուրանոցի մեջ:
Հաղորդվում է, որ Նալայեխն ամուսնու հետ զոհվածների ցուցակում է:
Ահաբեկչության իրագործման պատասխանատվությունը ստանձնել է իսլամական «Ալ Շաբաբ» խմբավորումը:
