Սոմալիի Կիսմայո նավահանգստային քաղաքի հյուրանոցում ահաբեկչության հետեւանքով զոհերի թիվը հասել է 26-ի, որոնց թվում կան արտասահմանցիներ եւ Ջուբալենդի նախագահ Ահմե Մոհամմեդը, հայտնում է Reuters-ը:
Նշվում է, որ ահաբեկչության հետեւանքով զոհվել են Քենիայի, ԱՄՆ, Մեծ Բրիտանիայի եւ Տանզանիայի քաղաքացիներ:
Զոհվածների թվում են առնվազն 2 լրագրող եւ ՄԱԿ աշխատակից: Նրանք պետք է մասնակցեին երկրում ընտրությունների թեմայով քննարկումներին:
Նշվում է, որ հարձակմանը մասնակցել է պայթուցիկով լցոնված մեքենան վարած մահապարտը, որից հետո հյուրանոց են ներխուժել գրոհայինները:
Ահաբեկչական հարձակման պատասխանատվությունը ստանձնել է «Ալ Շաբաբ» իսլամական խմբավորումը: