News
Լրահոս
News
Կիրակի
Հուլիս 21
USD
476.48
EUR
535.52
RUB
7.56
ME-USD
0.17
Տեսնել լրահոսը

Հայաստանում կարգազանց վարորդների թիվը 5 տոկոսից չի անցնում, բայց կա առիթավորվող վարորդների 20 տոկոսանոց կոնտինգենտը, որը նայելով այդ 5 տոկոսին, ինքն էլ է ընկնում նրանց ջրերը: Այս մասին այսօր՝ հուլիսի 13-ին, լրագրողների հետ հանդիպման ժամանակ նշեց «Վարորդի ընկեր» հասարակական կազմակերպության համահիմնադիր Սերգեյ Ղահրամանյանը:

Նրա խոսքով, այդ 5 տոկոս կարգազանց վարորդների մեջ են խմած վարողները, առանց ԱՊՊԱ պայմանագրի վարողները, հանդիպակաց գոտի դուրս եկողները, կարմիր լույսի տակով անցնողները, դրիֆտ անողները:

«Վարորդների 74 տոկոսը ունի 0-5 խախտում, 20 տոկոսը՝ մինչեւ 10 խախտում, 5 տոկոսը՝ մինչեւ 50 խախտում եւ մեկ տոկոսը՝ անվերջ:

Այդ մեկ տոկոսն այն 12,7 մլրդ դրամն էր, որ համաներվեց: Դրանց մեջ մտնում են «սնանկիստները», որոնք ոչինչ չունեն, բայց շարունակաբար եւ դիտավորյալ խախտումներ են անում, եւ այն մարդիկ, որոնք դիտավորյալ խախտում են անում, բայց վճարունակ են: Ոստիկանությունը համարում է, որ ամսվա մեջ մեկ խախտումը նորմալ է:

Խախտումներ անողների մեջ են նաեւ պետական գերատեսչությունների ծառայողական մեքենաները, որոնք փորձում են ընդգծվել՝ դեսպանատան, ԱԱԾ-ի, ՊՆ-ի մեքենաները: Օրինակ դեսպանատան մեքենաներն անձեռնմխելի են եւ շատ հաճախ իրենց լպիրշ են պահում: Իրենց համար որեւէ պատիժ գոյություն չունի:

Բալային համակարգի դեպքում՝ այդ 5-6 տոկոսի մեծ մասը 2-3 ամսվա մեջ կզրկվի վարորդական իրավունքից»,-ընդգծեց «Վարորդի ընկեր» ՀԿ-ի ղեկավարը:

Տպել