News
Լրահոս
News
Կիրակի
Հոկտեմբեր 20
USD
476.34
EUR
530.17
RUB
7.45
ME-USD
0.07
Տեսնել լրահոսը


Հուլիսի 13-ին ոստիկանության Աշտարակի բաժնի ծառայողները եւ Արագածոտնի մարզը սպասարկող ճանապարհային ոստիկանները ուժեղացված ծառայություն են իրականացրել Աշտարակ քաղաքում։

Ոստիկանությունից NEWS.am-ին հայտնում են, որ այդ ընթացքում ճանապարհային ոստիկանները կանգնեցրել են Աշտարակի Երեւանյան խճուղով ընթացած «Ֆորդ Տրանզիտ» մակնիշի ավտոմեքենա։ Ճանապարհային ոստիկանները նկատել են, որ մեքենայի վարորդն ու ուղեւորներից մեկը տեղերով փոխվել են եւ ուղեւորը ներկայացել է որպես վարորդ։

Ճանապարհային ոստիկանները պահանջել են, որ իրական վարորդը ներկայացնի համապատասխան փաստաթղթեր։ Այդ ընթացքում մեքենայում գտնվող ուղեւորներից մեկը իջել է «Ֆորդից», վիճել ճանապարհային ոստիկանների հետ, դիմադրություն ցույց տվել, չի ենթարկվել ոստիկանության ծառայողների օրինական պահանջներին եւ բռնություն է գործադրել նրանց նկատմամբ։

Միջադեպի վայր եկած Աշտարակի բաժնի ծառայողները եւ ճանապարհային ոստիկանները այդ տղամարդուն եւ մեքենայի իրական վարորդին բերման են ենթարկել ոստիկանության Աշտարակի բաժին։ Դեպքի առթիվ հարուցվել է քրեական գործ։ Դիմադրություն ցույց տված տղամարդը ձերբակալվել է։

Ստուգվել է մեքենայի վարորդի սթափության աստճանը. նա ալկոհոլի ազդեցության տակ է եղել։ Հանգամանքները քննությամբ պարզվում են։

Տպել
Ամենաշատ