News
Լրահոս
News
Կիրակի
Հոկտեմբեր 20
USD
476.34
EUR
530.17
RUB
7.45
ME-USD
0.07
Տեսնել լրահոսը

Իշխանության ներկայացուցիչների այսօրվա հայտարարությունների ողջ ներկապնակը եւս մեկ անգամ ցավալիորեն դարձավ այն բանի վկայությունը, որ այս մարդիկ բացարձակապես չեն կարողանում լսել այլընտրանքային կարծիք՝ նույնիսկ, եթե խոսքը միջազգային հեղինակավոր կառույցի մասին է, որի առջեւ Հայաստանի Հանրապետությունը ստանձնել է մի շարք պարտավորություններ։ Այս մասին ֆեյսբուքյան իր էջում գրել է ԱԺ նախկին փոխնախագահ Արփինե Հովհաննիսյանը՝ արձագանքելով իշխանության ներկայացուցիչների եւ աջակիցների մեկնաբանություններին Վենետիկի հանձնաժողովի զեկույցի վերաբերյալ։

Նրա գրառման մեջ նաեւ ասված է․

«Փոխարենը իրենց ոճին համապատասխան իշխանությունները բոլոր քննարկումները իջեցրեցին այն մակարդակի, թե որտեղից է «շահարկողների» ձեռքում հայտնվել «հույժ» գաղտնի փաստաթուղթը եւ փաստաթուղթը արձանագրություն է, թե արձանագրություն չէ։ Անընդհատ թմբկահարում եք, որ ժողովրդի իշխանություն եք, սակայն ձեռք եք բերում համաձայնություններ եւ դրանք այնպես թաքցնում նույն ժողովրդից, որ միակ տարբերակը «շահարկողների» համար մնում է հրապարակել այն, ինչ դուք այդքան խնամքով թաքցնում եք։

Իմիջայլոց, միակողմանի շահարկումների մասին խոսելուց առաջ, պետք է ուշադրություն դարձնեիք, որ պատահական չէր, որ հրապարակվել էր նաեւ ամբողջական անգլերեն տեքստը։ Որպիսի երկկողմանի «շահարկեք» ու ոչ «կցկտուր» մեկնաբանեք։

Հ.Գ.Արդարադատության երիտասարդ նախարարին հորդորում եմ հայտարարություններից առաջ երկար կշռադատել, ասում են, օգտակար է։ Իր համար միշտ եղել է։

Այսօրվա ոչ կուսակցական կարգավիճակս թույլ է տալիս մի բան ասել հաստատ՝ նախկին իշխանությունները ներկայիս իշխանությունների նկատմամբ հաստատ ունեն նվազագույնը մեկ ակնհայտ առավելություն։ Այն պատգամավորները, որոնք ոչինչ չէին հասկանում ԵԽ-ից, Վենետիկի հանձնաժողովից, դրա փաստաթղթերից, արդ մարմինների գործունեությունից երբեք, լսում եք, երբեք չէին մեկնաբանում Վենետիկի հանձնաժողովի եւ այլ միջազգային կառույցների գնահատականները։ Նույնը մաղթում եմ Ձեր նույնատիպ պատգամավորներին։ Իսկ քավոր սանիկների աջակցությունը միմյանց չեմ էլ մեկնաբանի։

Հ.Գ.Գ. Նիկոլ Փաշինյանին մի ներքաշեք ձեր ձախողումների մեջ։ Դուք ամեն անգամ ստիպում եք, որ նա իր անձնական հեղինակության եւ վստահության շնորհիվ փրկի ձեզ ձախողումներից՝ ստիպելով իրեն անել հերթական սխալը։ Վարչապետը գործադիր իշխանության գլուխ է եւ ՍԴ-ի հետ կապված հայտարարություններ չի կարող անել, չպիտի անի, վերջապես պետք չի, որ անի։ Այսպիսի կողմնակիցների եւ աջակիցների պարագայում Նիկոլ Փաշինյանին նույնիսկ թշնամիներ պետք չեն։

Գիտեմ, որ միջանձնային շփումներում գերադասում եք ցույց չտալ, որ կարդում եք իմ կամ այլ կարծիք հայտնողների գրառումները, ամեն մի գրառման մեջ անձնավորված հետք եք ման գալիս, բայց դա ոչ միայն «քաղաքական իմբեցիլիզմի» այլ նաեւ խիստ պարզունակ մոտեցման մասին է խոսում։ Դրանից ոչ ասվածի արձագանքը ոչ էլ ազդեցությունը չի փոխվում»։

Տպել
Կարդացեք նաև
Ամբողջը
«Գլխավոր դատախազը ձեզ չի դավաճանել. դեռ». Սամվել Ֆարմանյան
Առաջին հայացքից, մի շա՜տ սովորական գրառում ու ուղերձ այն մասին, որ մեր օրերում քննիչները, ոստիկաններն ու դատախազները կրակն են ընկել վերեւից թելադրված «գործ կարելու» քաղաքական...
Մեր երկիրն ընկել է անհայրենիք, անհավատ եւ որեւէ սրբություն չունեցողների ձեռքը. Արա Վարդանյան
Դուք հասկանում եք, որ ներքաշելով մեր երեխաներին եւ ծնողներին ձեր կեղտոտ գործերի մեջ, ներքաշում եք նաեւ հենց ձեր երեխաներին եւ ծնողներին…
«Ժողովուրդ». Իմքայլականները հանդիպել են Արսեն Թորոսյանի հետ․ նիստը լարված մթնոլորտում է անցել
Ներկա փոքրաթիվ պատգամավորների մեծ մասն ընդունել է, որ ծխելը վատ բան է, բայց միաժամանակ հակադրվողներ են եղել...
«Հրապարակ». Ուզում են միանգամից ամբո՞ղջը՝ պառլամենտ, կառավարություն, ՍԴ
Բացարձա՛կ. ամեն բան խիստ օրինական էր...
«Ժամանակ». Երիտասարդ դատավորները լքում են դատական համակարգը. ավելի «անշառ» գործ են ուզում
Նրանք բոլորը պատրաստվում են զբաղվել...
«Հրապարակ». Որն է կադաստրի Կոմիտեի ղեկավարի հրաժարականի պատճառը
Սակայն մեր զրույցից րոպեներ անց Պետրոսյանն իր ֆեյսբուքյան էջում գրեց...
Ամենաշատ