News
Լրահոս
News
Կիրակի
Օգոստոս 18
USD
475.92
EUR
527.46
RUB
7.22
ME-USD
0.14
Տեսնել լրահոսը

Իրանի արտաքին գործերի նախարար Մոհամադ Ջավադ Զարիֆն ամերիկյան NBC հեռուստաալիքի հարցազրույցում ասել է, որ ԱՄՆ նախագահ Դոնալդ Թրամփը Իրանի դեմ պատերազմ չի ցանկանում, բայց դրան «չէր առարկի» նրա շրջապատը, տեղեկացնում է ՌԻԱ «Նովոստի»-ն։

«Ես չեմ կարծում, թե նախագահ Թրամփը պատերազմ է ցանկանում, բայց համոզված եմ, որ նրա շրջապատը դեմ չէր լինի»,- ասել է Զարիֆը։

Նա ավելացրել է, որ Թրամփը գտնվում է ճնշման տակ, բայց շրջապատի փորձերը՝ ազդել նրա որոշման վրա, «ի վերջո, հաջողությամբ չեն ավարտվի, քանի որ կգերակշռի ողջամտությունը»։

«Իրանը  մեծ, հպարտ երկիր է, եւ մենք անհոգ չենք մնա ռազմական գրոհի հանդեպ»,- ասել է Զարիֆը։

Չորս տարի առաջ՝ 2015 թվականի հուլիսի 14-ին, «վեցյակը» (Մեծ Բրիտանիա, Գերմանիա, Չինաստան, Ռուսաստան, ԱՄՆ, Ֆրանսիա) եւ Իրանը հայտարարեցին Գործողությունների համապարփակ համատեղ ծրագրի (ԳՀՀԾ) կնքման մասին։ Այն նախատեսում էր պատժամիջոցների չեղարկում Իրանի միջուկային ծրագրի սահմանափակման դիմաց։ Գործարքը նախնական տեսքով դիմացավ երեք տարի. 2018-ի մայիսին ԱՄՆ-ը հայտարարեց, որ միակողմանի դուրս է գալիս դրանից եւ վերականգնեց պատժամիջոցները Թեհրանի դեմ։

Միջուկային գործարքից ԱՄՆ դուրս գալուց մեկ տարի հետո՝ 2019-ի մայիսին, Իրանը հայտարարեց, որ դադարեցնում է ԳՀՀԾ մի շարք կետերի կատարումը հարստացված ուրանի եւ ծանր ջրի մասով։ Իրանը գերազանցել է ցածր հարստացված ուրանի պաշարների շեմը 300 կիլոգրամով։ Թեհրանի իշխանությունները հետագայում հայտարարեցին միջուկային գործարքի պարտավորությունների դադարեցման երկրորդ փուլի մասին՝ կապված այն բանի հետ, որ ԳՀՀԾ անդամ երկրները չկարողացան 60 օրվա ընթացքում կատարել Թեհրանի պահանջները։ Համաձայն վերջերս արված հաղորդագրությունների՝ Իրանն արդեն ուրանի հարստացման մակարդակը հասցրել է 4,5 տոկոսի (միջուկային գործարքի շեմը 3,67 տոկոսն էր)։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իրանը ԱՄՆ-ի հետ նոր գործարք է ցանկանում. Թրամփ
Սա կապված է այն հանգամանքի հետ, որ պատժամիջոցները մեծ վնաս են հասցնում իրանական տնտեսությանը…
Իրանը կոշտ եւ արագ պատասխան կտա ցանկացած ագրեսիային
Անդրադառնալով Իրանի միջուկային գործունեության վերաբերյալ ԱՄՆ-ի անհիմն դժգոհությանը, Արագչին նշել է, որ հաշվի առնելով երկրի հետգեւոր...
Եվրոպական երկրների հետ միջուկային համաձայնագրի շուրջ Իրանի բանակցությունները «ավելի լուրջ են դարձել»
Վաեզին հավելել է, որ առաջիկայում նախատեսվում է եւս մեկ հանդիպում անցկացնել, որին կմասնակցեն Իրանի ԱԳ նախարարը եւ համաձայնագիրը ստորագրած 3 եվրոպական երկրները...
Թեհրանում հայտարարել են միջուկային գործարքով պարտավորությունները կրկին կրճատելու մասին
Այնուհետեւ կտրամադրվի 60-օրյա նոր ժամկետ, որպեսզի գտնվի այս խնդրի լուծումը…
Լավագույնը, որ ԱՄՆ-ն կարող է անել նավագնացության պաշտպանության համար, չմիջամտելն է. Զարիֆ
«Այստեղ մեզ կայունություն է պետք, բայց կայունությունը պետք է լինի բոլորի համար: Մեզ մոտ չի կարող կայունություն լինել ոմանց եւ անկայություն՝ մյուսների համար...
Իրանը բացահայտել է ցածր հարստացված ուրանի պաշարների ծավալը
«Ներկայումս մենք արտադրման լավ տեմպեր ունենք եւ մեր պաշարները գերազանցել են 300 կգն-ն առնվազն 60-ով՝ մինչեւ 70 կգ...