News
Լրահոս
News
Հինգշաբթի
Մարտ 28
Տեսնել լրահոսը

Թուրքիայի նախագահ Թայիփ Էրդողանը Ստամբուլում մասնակցել է 2016 թվականի հունիսի 15-ի լույս 16-ի գիշերը հեղաշրջման փորձի ձախողմանը նվիրված թանգարանի բացման արարողությանը, որի երեք տարին նշվել է երկուշաբթի, տեղեկացնում է ՌԻԱ «Նովոստի»-ն։

Թանգարանը բացվել է Ստամբուլի ասիական մասում, Բոսֆորի կամրջի մոտ, որտեղ տեղի է ունեցել քաղաքի բնակիչների եւ ապստամբների դիմակայությունը։ Ցուցանմուշների ցուցադրման մակերեսը կազմում է 500 քառակուսի մետր։ Այնտեղ ցուցադրվում են զոհված քաղաքացիների անձնական իրերը, տանկերով ճզմված մեքենաները, հեղաշրջման փորձի մասին պատմող փաստաթղթեր եւ տեսասյուժեներ։ Ցուցանմուշներից մեկը հեռախոս է, որով Էրդողանը դիմել է ազգին հեղաշրջման փորձի գիշերը։ Առանձին վահանակներ նվիրված են աշխարհի տարբեր երկրներում կատարված հեղաշրջումների պատմությանը։

«Հեղաշրջման փորձի կանխումը դեմոկրատիայի համար մեր պայքարի բեկումնային պահերից է։ Ինչպե՞ս կարող ենք մոռանալ մեր հերոսներին, որոնք դեմ էին նրանց, որոնց ձեռքին զենք կար, տանկեր։ Այդ գիշեր 251 զոհվածից յուրաքանչյուրն իր պատմությունն ուներ։ Մեր պարտքն է պահել նրանց մասին հիշողությունը։ Այսօր մենք բացում ենք թանգարան՝ ի պատիվ հուլիսի 15-ի իրադարձությունների։ Վեպից մինչեւ ֆիլմ, քանդակից մինչեւ երաժշտություն՝ արվեստի մեր մարդիկ նույնպես կստեղծեն իրենց ստեղծագործությունները, որպեսզի պահպանեն հիշողությունն այդ օրվա մասին»,- ասել է Էրդողանը՝ ելույթ ունենալով թանգարանի բացման արարողությանը։

Ապստամբների մի խումբ Թուրքիայում 2016 թվականի հուլիսի 16-ի գիշերը նախաձեռնեց հեղաշրջման փորձ։ Հիմնական բախումն Անկարայում եւ Ստամբուլում տեղի ունեցավ։ Զոհվեց ավելի քան 250 թուրք քաղաքացի, ավելի քան 2 հազար մարդ վիրավորվեց, ապստամբությունը ճնշվեց։

Թուրքիայում ապստամբությունից հետո ձերբակալվեց ավելի քան 50 հազար մարդ, ազատվեցին եւ աշխատանքից հեռացվեցին 160 հազար պետծառայողներ, այդ թվում՝ զինվորականներ։ Թուրքիայի իշխանությունները մեղադրում են իսլամ քարոզիչ Ֆեթհուլա Գյուլենի կազմակերպությանը, որն Անկարայում անվանվում է FETO (ֆեթհուլայականների ահաբեկչական կազմակերպություն), պետհեղաշրջման փորձին մասնակցության մեջ։ Գյուլենն ինքը, որը գտնվում է ԱՄՆ-ում, դատապարտել է հեղաշրջումն ու հերքել մեղադրանքները։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Թուրքիայում ձերբակալվել է պետական հեղաշրջում կազմակերպողների հետ կապ ունեցող ավելի քան 600 կասկածյալ
Թուրքիայի ՆԳՆ-ի ղեկավարն ընդգծել է, որ երկրի իշխանությունները կշարունակեն դիմադրություն ցույց տալ...
Թուրքիայում պուտչիստների հետ կապերի համար 60 կասկածյալի ձերբակալության հրաման է տրվել
Օրդերները տրվել են նախկին եւ ներկա զինծառայողների ձերբակալման համար, որոնց կապերը պուտչիստների հետ բացահայտվել են ՖԵՏՕ կազմակերպության գործունեության հետաքննության ընթացքում...
Թուրքիայի իշխանությունները FETO-ի հետ կապերի մեջ կասկածվող 33 անձի ձերբակալման հրաման են տվել
Ազգային հետախուզական ծառայության, Անվտանգության գլխավոր վարչության եւ կիբերհանցագործությունների դեմ պայքարի մասնագետների կողմից իրականացված հետաքննության ընթացքում FETO-ի ճյուղավորված կառույցներ են հայտնաբերվել...
Ավելի քան 20 000 թուրք զինծառայող է աշխատանքից հեռացվել 2016-ի պետական հեղաշրջման փորձից հետո
Նախարարության մամուլի քարտուղար, մայոր Փինար Կարայի խոսքով, աշխատանքից ազատվել է 24 253 զինծառայող․․․
ՄԻԵԴ-ը վճռել է 5000-ական եվրո հատկացնել 2016 թվականի հեղաշրջումից հետո Թուրքիայում կալանավորված դատավորներին
Նշվում է, որ դատարանը միաձայն ճանաչել է Մարդու իրավունքների եվրոպական կոնվենցիայի 5-րդ հոդվածի 1-ին կետի խախտումը...
Երկար ժամանակ անց համացանցում է հայտնվել տարիներ առաջ Թուրքիան իրար խառնած Ֆեթուլլահ Գյուլենի նոր լուսանկարը
Ֆեթհուլլահ Գյուլենի եւ Թուրքիայի վարչապետ Ռեջեփ Թայիփ Էրդողանի միջեւ հակասությունների գագաթնակետը եղավ 2013-ի դեկտմբերի 17-ի «Մեծ կաշառք»...
Ամենաշատ