News
Լրահոս
News
Երեքշաբթի
Օգոստոս 20
USD
475.91
EUR
528.16
RUB
7.12
ME-USD
0.15
Տեսնել լրահոսը


Արարատի մարզի Քաղցրաշեն համայնքի բնակիչները կառավարության դիմաց այսօր՝ հուլիսի 16-ին, բողոքի ակցիա են անում, բողոքում են ոռոգման ջրի խնդրից, պահանջում են ապահովել իրենց հողատարածքների ոռոգման համար ջուրը, որպեսզի ցանքատարածքություններն ու այգիները չչորանան։

«Արարատի մարզպետը հուլիս ամսին գնացել է հանգստի, չկա, պարգեւատրումները ստացել, գնացել է արտասահմաններ։ Գյուղացին ինչ գործ ունի հասնի Երեւան, ամբողջ օրը մարզպետարան, այստեղ, բան ու գործ չունե՞նք»,–նշում են ցուցարարները։

Գյուղացիների խոսքով՝ համայնքի բնակիչները ոռոգման պատճառով թշնամացել են. «Ամբողջ գյուղը թշնամի է դարձել, 200 հոգի կռիվ են անում ջրի համար, մարդիկ չեն կարողանում ապրեն։ Չեն եկել կառավարությանն ասել փող տուր, նպաստ տուր, ընդամենն ասում ենք առ փողը, ջուր տվեք, ապրենք։ Նենց են անում որ ՀՀԿ–ին երանի տանք, մենք Նիկոլի դեմ ոչինչ չունենք, իր դրած մարդիկ ինադու են անում, որ էս մարդուն վարկաբեկեն, էսօր ամբողջ գյուղը չոքել ա, ասում է վարկի տոկոսն եմ իջացնում, ինչ վարկ, հեղափոխություն արեցինք, որ այսպես լինի»։

Ցուցարարները հանդիպում են պահանջում վարչապետ Նիկոլ Փաշինյանի հետ, քանի որ կարծում են, որ միայն նա կարող է հարցին լուծում տալ. «Փաշինյանը պետք է բոլորին ձգի, մարդիկ իրենց տեղում չեն, մարզպետն իր տեղում չէ, մարդկանց փողոցից բերել–դրել են պաշտոնի, շշկռվել են։ Ես մարզպետին խնդրել եմ 800 մ ջրագիծ գծի, մեր գյուղապետարանը ասում է մենք 20-30 տոկոսը կտանք, մնացածը ՋՕ–ն թող տա, ՋՕ–ն էլ չի անում»։

Ցուցարարները սկսեցին վանկարկել «Նիկոլ, իջի», «Քայլ արա, ջուր տուր»։

Տպել