News
Լրահոս
News
Երկուշաբթի
Հոկտեմբեր 14
USD
476.44
EUR
525.85
RUB
7.42
ME-USD
0.08
Տեսնել լրահոսը


Հայաստանը հետաքրքված է զարգացնելու հարաբերությունները Միացյալ Նահանգների հետ, հայտարարել է Հայաստանի ԱԺ նախագահ Արարատ Միրզոյանը «Ատլանտյան խորհուրդ» հաստատությունում, Հաղորդում է «Ամերիկայի ձայնը»:

Նրա գլխավորած պատվիրակությունը Միացյալ Նահանգներում է ԱՄՆ Ներկայացուցդիչների պալատի ժողովրդավարական գործընկերության հանձնախմբի հրավերով՝ առաջնորդների ֆորումին մասնակցելու համար:

Միրրզոյանը չի տեսնում խոչընդոտներ հարաբերությունների խորացման առումով, սակայն անհրաժեշտ է ավելի հստակ օրակարգ:

«Մեր հարաբերությունները պետք է դիվանագիտական հռչակագրերի դաշտից տեղափոխվեն հստակ գործնկերային հարաբերությունների դաշտ: Անհրաժեշտ է կառուցել օրակարգ՝ ուղղված դեպի կոնկրետ նպատակների իրականացում»,- ասում է Միրզոյանը:

Երախտագիտություն հայտնելով տարիների ընթացքում տրամադրված ամերիկայն օգնության համար՝ նա ընդգծել է՝ Միացյալ Նահանգների աջակցությունը կարեւոր է Հայաստանի համար ոչ միայն տնտեսական, ներդրումային, փորձի փոխանակման ոլորտներում, այնպես էլ քաղաքական դաշտում: Ամերիկյան աջակցության հարցում, սակայն, ըստ խոսնակի, դեռեւս առկա են շատ անելիքներ:

«Կարծիքներ կան, որ ԱՄՆ կարող է ավելի շատ աջակցել: Կան նաեւ կարծիքներ, որ դրա պատճառը Հայաստանի հեղափոխության ներքաղաքական բնույթն է»,- ասել է Միրզոյանը:

Խոսնակն ընդգծել է, որ տարածաշրջանում առկա լարվածությունը ԱՄՆ-Իրան հարաբերություններում բացասաբար է անդրադառնում Հայաստանի տնտեսության վրա: Նա կարեւորել է Թեհրանի հետ հարաբերությունները, քանի որ Հայաստանի 4 սահմաններից երկուսը փակ են: Հարաբերությունների զարգացումը բարեկամ մեկ երկրի հետ չպետք է լինի ի հաշիվ մեկ այլ բարեկամ երկրի, գտնում է խոսնակը:

«Մենք կցանկանանք, որ ԱՄՆ ճնշում չգործադրի Հայաստանի վրա՝ իրանական պատժամիջոցների օրակարգում ներգրավելու համար: Հայաստանը չի կարող նման գին վճարել»,- նշել է Միրրզոյանը:

Պատասխանելով Լեռանին Ղարաբաղի հակամարտության հետ կապված հարցին՝ խոսնակը խնդիրը դիտարկել է մարդու իրավունքների դաշտում՝ կարեւորելով Լեռնային Ղարաբաղի բնակչության ընդգրկումը բանակցային գործընթացում:

Ներքաղաքական եւ տնտեսական զարգացումների մասին խոսելիս Արարատ Միրզոյանն ընդգծել է Հայաստանում դատաիրավական բարեփոխումների անհրաժեշտությունը եւ կոռուպցիայի դեմ շարունակական պայքարը: Նա վերահաստատել է գործող իշխանության հավատարմությունը ժողովրդավարությանն ու օրենքի գերակայությանը:

«Այսօրվա իշխանությունն ունի ուժեղ քաղաքական կամք եւ հավատարմություն ժողովրդավարական արժեքներին, կոռուպցիայի դեմ պայքարին եւ օրենքի գերակայության հաստատմանը»,- ասում է նա:

Նույն օրը ԱՄՆ-ում Հայյաստանի դեսպանությունում հայ խորհդարանականների պատվիրակությունը հանդիպել է ամերիկահայ համայնքի հետ: Իր ելույթում խոսնակ Միրզոյանը ողջունել է Վաշինգտոնի հայ համայնքին՝ անդրադառնալով հետհեղափոխական Հայաստանի ձեռքբերումներին ու երկրում առկա մի շարք կարեւոր խնդիրներին:

!
Այս նյութը հասանելի է նաև   English
Տպել
Կարդացեք նաև
Ամբողջը
«Արցախն առաջին հերթին մարդիկ են». Զոհրաբ Մնացականյանն ընդունեց ֆրանսիական պատվիրակությանը
Կողմերը գոհունակություն հայտնեցին փոխադարձ հետաքրքրություն ներկայացնող ոլորտներում առկա փոխգործակցության...
Ղարաբաղյան հակամարտությունը ռազմական լուծում չունի. ՆԱՏՕ-ի գլխավոր քարտուղար
ՆԱՏՕ-ն անմիջական դեր չի խաղում, սակայն աջակցում է ԵԱՀԿ Մինսկի խմբին եւ համանախագահներին...
Ադրբեջանը չէ, որ պետք է դժգոհի պատմական հուշարձանների ոչնչացումից․ ՀՀ ԱԳՆ
Շուշին ղարաբաղյան հինավուրց քաղաքներից է, իսկ մզկիթը քաղաքի պատմության անբաժանելի մասն է․․․
Ալիեւը բացահայտ հաստատեց՝ Ադրբեջանը ցանկանում է ստանալ Ղարաբաղն առանց իր բնիկ բնակչության. ՀՀ ԱԳՆ
Հիշեցնենք, որ Ալիեւը փախստականների հետ հանդիպմանը խոստացել էր «Ղարաբաղն ազատագրելուց հետո քաղաքներ կառուցել» ...
ԵԱՀԿ ՄԽ համանախագահները ժամանում են Երեւան
ԵԱՀԿ ՄԽ համանախագահներն այսօր եւ վաղը կգտնվեն Երեւանում...
Պատմությունն Ադրբեջանի նախագահի ամենաուժեղ կողմը չէ. ՀՀ ԱԳՆ-ն հիշեցրել է Ռամիլ Սաֆարովի հերոսացման մասին
Ադրբեջանի նախագահն այնքան էլ ուժեղ չէ պատմությունից...
Ֆոտոռեպորտաժներ