News
Լրահոս
News
Երկուշաբթի
Սեպտեմբեր 21
USD
485.26
EUR
574.98
RUB
6.46
ME-USD
0.01
Տեսնել լրահոսը

Փոխվարչապետ Տիգրան Ավինյանը հունիսի 15-ին ՄԱԿ-ի կենտրոնակայանում մասնակցել է էներգետիկ արդյունավետությանը եւ կայուն զարգացմանը նվիրված կլոր սեղան-քննարկմանը, որը ՄԱԿ-ի զարգացման ծրագրի եւ Եվրասիական միության հետ համագործակցությամբ կազմակերպել էր ՄԱԿ-ում Հայաստանի մշտական ներկայացուցչությունը։ Այս մասին NEWS.am-ին հայտնում են փոխվարչապետ Տիգրան Ավինյանի գրասենյակից։

Իր ելույթի սկզբում Տիգրան Ավինյանը համառոտ անդրադարձ կատարեց էներգետիկ ոլորտում տեղի ունեցող համաշխարհային զարգացումներին՝ նշելով, որ էներգետիկ արդյունավետությունը տարբեր երկրների ազգային զարգացման օրակարգում գնալով ավելի մեծ տեղ է գրավում:

Հաջորդիվ փոխվարչապետը ներկայացրեց Հայաստանի Հանրապետությունում կայուն էներգետիկայի եւ խելացի տնտեսության կառուցման գործում էներգաարդյունավետ լուծումների կիրառումը, ինչպես նաեւ առկա մարտահրավերները:

Փոխվարչապետը նշեց, որ Հայաստանը մեծ հաջողություններ է գրանցել հանրային եւ քաղաքային շինությունները էներգախնայող արդյունավետ համակարգերով վերազինելու համար շրջանառու ֆոնդ ստեղծելու գործում, որի իրականացրած ներդրումների արդյունքում ունենք 50 տոկոս էներգիայի խնայողություն 64 հանրային օբյեկտներում (ավելի քան 160 շենք եւ 9 քաղաքային լուսավորման համակարգեր): Հայաստանը կշարունակի աշխատել այս ուղղությամբ եւ համապատասխան գործիքներ կստեղծվեն հանրային հատվածում էներգաարդյունավետ ներդրումների ընդլայնման եւ շահավետության բարձրացման համար: Փոխվարչապետը անդրադարձավ նաեւ չգազաֆիկացված համայնքներում վերականգնվող էներգետիկայի զարգացման, ինչպես նաեւ ԵՄ աջակցությամբ Երեւանում իրականացվող էներգախնայողության ծրագրերին: Նա նաեւ ընդգծեց, որ Հայաստանի քաղաքները ընդունել են գործողությունների ծրագրեր՝ նպատակ ունենալով խթանել էներգաարդյունավետությունը եւ արդյունքում կրճատել էներգետիկ հատվածի արտանետումները 20 տոկոսով 2020թ-ին, եւ 30 տոկոսով՝ 2030թ.-ին:

Էներգաարդյունավետ նախագծերի ֆինանսական հուսալիության բարձրացման գործում փոխվարչապետը առանձնացրեց միջազգային դոնոր ընկերությունների հետ աշխատանքը եւ կառավարության կողմից նման նախագծերին աջակցությունը:

Սեւանա լճի օրինակով ներկայացնելով Հայաստանում կլիմայական փոփոխությունների ուղղակի ազդեցությունը՝ փոխվարչապետն ասաց, որ երկրում բավականին երկար ժամանակ չէին մտածում կլիմայի փոփոխության մասին մինչեւ այն հարվածեց երկրի սրտին՝ ակնառու կերպով ցուցադրելով հարցի լրջությունը, եւ այժմ իշխանությունները աշխատանքներ են տանում լուծումներ գտնելու ուղղությամբ: Տիգրան Ավինյանը հավելեց, որ կլիմայական փոփոխություններին դիմակայելու համար անհրաժեշտ է խելացի, էներգաարդյունավետ տնտեսության կառուցում եւ համակարգային լուծումներ:

Ելույթով հանդես եկան նաեւ Եվրասիական միության պետությունների, ինչպես նաեւ միջազգային կազմակերպությունների ներկայացուցիչներ, որին հետեւեց քննարկում:

Միջոցառման մասնակիցները ողջունեցին հայկական կողմի նախաձեռնությունը եւ հայտարարեցին, որ մտքերի փոխանակումը թույլ տվեց հասկանալ թե երկրներից յուրաքանչյուրն ինչի վրա պետք է կենտրոնանա: Քննարկման կողմերը համակարծիք էին, որ ամուր քաղաքական կամքի առկայության, լավագույն փորձի կիրառման եւ համագործակցության միջոցով կարող են հաղթահարել առկա խնդիրները կլիմայական փոփոխությունների ոլորտում:

Տպել
Կարդացեք նաև
Ամբողջը
Պուտինը տեսաելույթ է ձայնագրել ՄԱԿ-ի Գլխավոր ասամբլեայի համար
Բորել. ԱՄՆ-ն օրինական լիազորություններ չունի, որպեսզի հասնի Իրանի դեմ պատժամիջոցների վերականգնմանը
Բելառուսի ԱԳՆ ղեկավարը ՄԱԿ ՄԻԽ-ի բանաձեւը անվանել է հորինված եւ վտանգավոր նախադեպ ստեղծող
Նա հավելել է, որ Մինսկի արձագանքը համարժեք կլինի, եւ ինքը, գործընկերների հետ միասին, քայլեր կձեռնարկի իր շահերը պաշտպանելու համար․․․
ՄԱԿ-ի մարդու իրավունքների խորհուրդը դատապարտել է Բելառուսում տեղի ունեցող իրադարձությունները
Կայացել է Հայաստանի զարգացմանն աջակցող գործընկերների հետ համագործակցության հարթակի հերթական հանդիպումը
Մհեր Գրիգորյանը պատասխանել է դեսպաններին հետաքրքրող հարցերին, որոնք վերաբերում էին Կառավարության ձեռնարկած միջոցառումներին...
ՄԱԿ-ի գլխավոր քարտուղարը հայտարարել է, որ անհրաժեշտ է անել հնարավոր ամեն բան` ՀԳՀԾ-ի պահպանման համար
«Ես միշտ հայտարարել եմ, որ Համատեղ գործողությունների համապարփակ ծրագիրը բազմակողմ դիվանագիտության եւ միջուկային զենքի չտարածման հաղթանակն է...