News
Լրահոս
News
Երկուշաբթի
Օգոստոս 26
USD
475.99
EUR
526.4
RUB
7.25
ME-USD
0.14
Տեսնել լրահոսը

Վաշինգտոնում ԱՄՆ Կոնգրեսի գրադարանում մեկնարկել է Ներկայացուցիչների պալատի ժողովրդավարական գործընկերության հանձնախմբի առաջնորդների համաժողովը, որին մասնակցում են ավելի քան 10 երկրների խորհրդարանների ղեկավարներ եւ օրենսդիրներ, հաղորդում է «Ամերիկայի ձայնը»:

Մասնակցում է նաեւ Հայաստանը, որի անդամակցության մասին որոշումը ընթացքի մեջ է: Հանձնախմբի հիմնական առաքելությունն է «պատասխանատու ու արդյունավետ կառավարման խրախուսումը, ժողովրդավարական հաստատությունների ամրապնդումը զարգացող ժողովրդավար երկրների խորհրդարանականներին օժանդակելու միջոցով»:

Հանձնախմբի համանախագահներ դեմկոկրատ կոնգրեսական Դեյվիդ Փրայսոնը եւ հանրապետական կոնգրեսական Վերն Բուքենոնը, որոնք այս տարվա ապրլին երկօրյա այցով Հայաստանում էին, շեշտում են այս նախաձեռնության յուրահատուկ բնույթը:

«Այցելելով տարբեր երկրներ, ներառյալ Հայաստան, մենք մշտապես ընդգծում ենք, որ սա ավանդական կոնգրեսական պատվիրակություն չէ: Մենք այստեղ ենք քննարկելու ոչ միայն երկկողմանի հարցեր, այլ նաեւ մեր երկրներում առկա տարաբնույթ խնդիրներ եւ մեր պատասխանատվության հետ կապված հարցեր»,- ասում է կոնգրեսական Փրայսոնը:

«Մեր նպատակն է զարգացնել այս գործընկերությունը: Ժողովրդավարությունը, իհարկե, կատարյալ չէ, սակայն շարունակում է մնալ կառավարման լավագույն ձեւ»,- նշում է նախաձեռնության համանախագահ հանրապետական կոնգրեսական Վերն Բուքենոնը:

Հանձնախմի համանախագահները ընդգծում են՝ այստեղ ներկայացված երկրները բազմաթիվ առումներով ինքնատիպ են եւ բազմազան, ունեն ռազմավարական տարբեր նպատակներ: Նրանց բոլորին համախմբում է ձգտումը դեպի ժողովրդավարություն:

«Այս երկրներին համախմբում է այն փաստը, որ նրանք հաջողությամբ հաստատել են խորհրդարանական ժողովրդավարություն» ,- ընդգծում է կոնգրեսական Փրայսոնը:

Համաժողովի մասնակից հայ օրենսդիրները կարեւորում են այս նախաձեռնությունն ու Հայաստանի ընդգրկումը ժողովրդավարական գործընկերության հանձնախմբի մեջ:

Էդմոն Մարուքյանի կարծիքով այս մեխանիզմը կարող է օգտագործվել Հայայստանի կողմից նոր բարեկամներ ձեռք բերելու, հայ-ամերիկյան հարաբերությունները զարգացնելու, Հայաստանի խնդիրների մասին տարբեր խողովակներով բարձրաձայնելու եւ խնդիրները կարգավորող ուղիներ գտնելու համար:

Իր հերթին պատգամավոր Լիլիթ Մակունցը կարեւորում է այս նախաձեռնությունը որպես արդյունավետ հարթակ նոր կապեր հաստատելու ու հարաբերությունները խորացնելու համար՝ ընդգծելով, որ համաժողովի միջոցառումներից բացի տեղի են ունենում հանդիպումներ ամերիկացի կոնգրեսականների հետ, որոնք նոր շունչ են հաղորդում երկրների միջեւ երկկողմանի հարաբերություններին:

!
Այս նյութը հասանելի է նաև   English
Տպել
Կարդացեք նաև
Ամբողջը
ԱՄՆ վարչակազմը որոշել է վերականգնել 2019-ի արտաքին օգնության ծրագրերի ֆինանսավորումը, այդ թվում Հայաստանի համար
2019 թվականի ԱՄՆ արտաքին օգնությունն այլեւս սառեցված չէ, մինչդեռ 2020-ի հատկացումները դեռ կքննարկվեն…
ԱՄՆ քաղաքական ղեկավարության հետ հանդիպումը Հայաստանի ղեկավարության օրակարգում է. ՀՀ ԱԳՆ
ԱՄՆ-ի հետ մենք բավականին ակտիվ զարգացող հարաբերություններ ունենք…
Կդադարեցվի՞ արդյոք Լեռնային Ղարաբաղում ականազերծման ծրագիրը. ԱՄՆ վարչակազմը նման որոշում է կայացրել
Ականազերծման այս խնդիրը շատ կարեւոր է, սակայն այն պետք է դրվի Հայաստանին եւ Լեռնային Ղարաբաղին ԱՄՆ-ի օգնության ավելի լայն կոնտեքստում...
ԱՄՆ Կանզաս նահանգի ազգային գվարդիայի պատվիրակությունը ժամանել է Հայաստան
Հանդիպման ավարտին պատվիրակության անդամները շրջայց են կատարել ՀՀ ՊՆ Մարդու իրավունքների և բարեվարքության կենտրոնում...
Որքա՞ն փող ու ժամանակ կպահանջվի Արցախում ականազերծման աշխատանքները լիարժեք ավարտելու համար. ներկայացնում է HALO Trust-ը
HALO Trust-ը՝ Ղարաբաղում ականազերծման ծրագրի կարեւորության վերաբերյալ...
ANCA-ն ԱՄՆ-ին է դիմել Հայաստանին 140 մլն դոլարի դրամաշնորհ հատկացնելու խնդրանքով
Ամերիկայի Հայ դատի հանձնախումբը նամակ է հղել ԱՄՆ պետքարտուղար Մայք Պոմպեոյին՝ խնդրելով վերանայել Համաշխարհային բանկի զեկույցը…
Ամենաշատ