News
Լրահոս
News
Երեքշաբթի
Օգոստոս 20
USD
475.91
EUR
528.16
RUB
7.12
ME-USD
0.15
Տեսնել լրահոսը

Կատայքի մարզպետ Ռոմանոս Պետրոսյանը դիմել է վարչական դատարան՝ պահանջելով անվավեր ճանաչել Նոր Գեղի համայնքի ավագանու 4 տարի առաջ  կայացրած որոշումը, համաձայն որի՝ համայնքի մի շարք փողոցներ անվանվել են նախկին համայնքապետ Ֆրոնտիկ Թևոսյանի անունով: Այս մասին NEWS.am–ը տեղեկացավ «Դատալեքս» դատական-տեղեկատվական համակարգից:

Կոտայքի մարզպետի հարցադիմումը դատարան է ստացվել հուլիսի 8-ին և մակագրվել դատավոր Արթուր Ծատուրյանին:

Նշենք, որ Նոր Գեղի համայնքի ավագանու անդամները շուրջ 30 տարի համայնքը ղեկավարած Ֆրոնտիկ Թւոսյանի 72–ամյակի կապակցությամբ նրան նվեր էին մատուցել և 2015 թվականի մարտի 24-ի որոշմամբ՝ համայնքի 18 փողոցներն անվանվել են նրա անունով։

Փողոցները Թևոսյանի անունով անվանափոխելու ավագանու որոշումն ընդունվել էր 11 կողմ, 0 ձեռնպահ և  0 դեմ ձայներով:

Նախկին գյուղապետի 60-ամյակի կապակցությամբ էլ գյուղի երաժշտական դպրոցն էին անվանակոչել իր անունով։

Ֆրոնտիկ Թևոսյանը 30 տարուց ավելի ղեկավարել է Նոր Գեղի համայնքը և հրաժարական էր տվել 2018թ. Հայաստանում տեղի ունեցած իշխանափոխությունից հետո։

2019թ. փետրվարն կայացած ՏԻՄ ընտրությունների արդյունքում Նոր Գեղիի համայնքապետ է ընտրվել ՔՊ–ական Վարդան Պապյանը։ 

Տպել
Ամենաշատ