News
Լրահոս
News
Երկուշաբթի
Օգոստոս 19
USD
475.92
EUR
527.46
RUB
7.22
ME-USD
0.14
Տեսնել լրահոսը

Ռուսաստանը հատուկ ուշադրություն է դարձնում Հայաստանում եւ հետխորհրդային տարածքի այլ երկրներում տեղի ունեցող քաղաքական իրադարձություններին: «ԱԻՖ»-ին   տված հարցազրույցում այս մասին ասել է Ռուսաստանի ԱԳ նախարար  Սերգեյ Լավրովը` պատասխանելով հարցին, թե կարծում է արդյոք նա, որ  Ռուսաստանը աշխարհաքաղաքական տեսանկյունից պարտվում է  Ուկրաինայում, Հայաստանում եւ Վրաստանում՝ թույլ  տալով իր շուրջ նախկին «եղբայրական ժողովուրդներից» «Ռուսաստանի թշնամիների» գոտու ստեղծում:

Նրա խոսքով՝  ԽՍՀՄ փլուզումից հետո Արեւմուտքը սկսեց ակտիվորեն միջամտել նախկին խորհրդային հանրապետությունների ներքին գործերին, այդ թվում Ուկրաինայի եւ Վրաստանի:

«Հայաստանի դեպքում իրավիճակն այլ է: Այս երկիրը Անդրկովկասում Ռուսաստանի առանցքային  գործընկերն է: Նրա հետ ռազմավարական, դաշնակցային հարաբերություններ են հաստատված :

Ինտենսիվ բնույթ է կրում քաղաքական երկխոսությունը, խոհրդարանների միջեւ, միջազգային ասպարեզում համագործակցությունը:

Ռուսաստանը Հայաստանի առաջատար տնտեսական գործընկերն է:

Դինամիկ զարգանում են կրթական, մշակութային, ներդրումային, ռազմատեխնիկական կապերը: Ուկրաինայում, Վրաստանում եւ Հայաստանում տեղի ունեցող քաղաքական գործընթացները, անշուշտ, միեւնույն չեն մեզ համար, քանի որ խոսքը եղբայրական ժողովուրդների  մասին է, որոնց հետ մեզ կապում են փոխհարաբերությունների երկարատեւ պատմությունը, այդ թվում `մեկ պետության մեջ բնակվելը:

Ցավոք, ԽՍՀՄ-ի փլուզումից հետո Արեւմուտքը հավաստիացնում էր, որ եկել է «պատմության վերջը», եւ այժմ նա կարող է կոպտորեն միջամտել այս կամ այն պետությունների գործերին, անամոթաբար կառավարել ներքաղաքական գործընթացները: Ուկրաինան, կարծես, ամենաակնհայտ օրինակն է:

Ինչ վերաբերում է Վրաստանին, ես համոզված եմ, որ նրա ժողովուրդը ռուսներին թշնամի չի համարում: Ցավոք, այսօր մենք տեսնում ենք, թե ինչպես են այդ երկրի որոշ քաղաքական գործիչներ մրցակցում հակառուսական հռետորաբանության մեջ իրենղ նեղ շահադիտական, կոնյունկտուրային նպատակներին հասնելու համար:

Համոզված եմ, որ ժամանակի ընթացքում ամեն ինչ իր տեղը կընկնի եւ մեր երկրների միջեւ բարիդրացիական հարաբերությունները կվերականգնվեն:

Իսկ ընդհանուր առմամբ  հետխորհրդային տարածքում մեր օրակարգը միավորող բնույթ ունի, ուղղղված է այնտեղ գտնվող երկրների սոցիալ-տնտեսական զարգացման խթանմանը, այդ տարածաշրջանում իրականացվող ինտեգրացիոն գործընթացների առաջխաղացմանը եւ ներդաշնակեցմանը, կոլեկտիվ անվտանգության եւ սպառնալիքներին եւ մարտահրավերներին համատեղ արձագանքելու ներուժի ամրապնդմանը», - ասել է ԱԳ նախարարը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Դավիթ Տոնոյանը և Սերգեյ Շոյգուն կարեւոր պայմանավորվածություններ են ձեռք բերել ռազմական ծրագրերի իրականացման շուրջ
Քննարկվել են նաև տարածաշրջանային և միջազգային անվտանգության հարցեր․․․
ՌԴ պաշտպանության նախարարը նշել է Հայաստանի ներդրումը Սիրիայում իրավիճակի կարգավորման գործում
«Դա ահռելի աշխատանք է, որը չի կարող չնկատվել, եւ, անկասկած, իր ներդրումն ունի այդ տարածաշրջանում իրավիճակի կարգավորման գործում»...
Դավիթ Տոնոյանը մեկնել է Ռուսաստան. Նա կհանդիպի Սերգեյ Շոյգուի հետ
Դավիթ Տոնոյանը Մոսկվայում կմասնակցի «Միջազգային բանակային խաղեր-2019» մրցաշարի մասնակիցների պարգեւատրման…
ՀՀ քաղաքացու համար վերացվել է ՌԴ մուտք գործելու արգելքը․ ՄԻՊ-ի Մոսկվա կատարած այցի արդյունքները
Մոսկվայում տեղի ունեցած քննարկմանը մասնակցել է նաեւ Ռուսաստանի Դաշնությունում Հայաստանի արտակարգ եւ լիազոր դեսպան Վարդան Տողանյանը...
Համագործակցության նոր ձեւաչափ․ ՀՀ եւ ՌԴ օմբուդսմանները քաղաքացիների ընդունելություն են իրականացնում
Պաշտոնական հաղորդագրությունը՝ առաջիկայում...
ՄԻՊ-ն իր ռուս գործընկերոջ հետ քննարկում է ՌԴ-ում արտագնա աշխատանքի մեկնած մեր հայրենակիցներին հուզող հարցերը
Այս քննարկումն արտահայտում է Մարդու իրավունքների պաշտպանի արդյունավետ համագործակցությունը Ռուսաստանում Հայաստանի արտակարգ...