Դատավարությունների ձգձգման եւ եւ այդ պատճառով քաղաքացու անազատության մեջ գտնվելու համար պատասխանատվություն է կրում պետությունը: Այս մասին հուլիսի 17-ին ասուլիսում հայտնեց օմբուդսմեն Արման Թաթոյանը:
Նրա խոսքով, անհրաժեշտ է բացառել նման մոտեցումները, անկախ նրանից, թե ինչ պատճառով է դա տեղի ունենում՝ դատարանների ծանրաբեռնվածության, կադրերի անտեղյակության եւ այլն:
«Անթույլատրելի է անազատության մեջ մարդուն պահելու արդարացումը: Եվ նման երեւույթնմերի համար ամբողջ պատասխանատվությունը կրում է պետությունը», - նշեց նա:
Արման Թաթոյանը հավելեց, որ այդ խնդրով նա որոշ ժամանակ առաջ դիմել է Բարձրագույն դատական խորհրդի ղեկավարի պաշտոնակատարին՝ մտահոգություն հայտնելով: