News
Լրահոս
News
Երեքշաբթի
Օգոստոս 11
USD
485.23
EUR
570.68
RUB
6.59
ME-USD
0.01
Տեսնել լրահոսը

«Էլ Չապոն» (գաճաճ) մականունով հայտնի մեքսիկացի նարկոբարոն Խոակին Գուսմանն ԱՄՆ-ում ցմահ ազատազրկման է դատապարտվել, հաղորդում է AP-ը:

Բրուկլինի դաշնային դատավորը դատավճիռը կայացրել է այսօր՝ թմրանյութերի առեւտրի գործով Գուսմանին մեղադրանք առաջադրելուց 5 ամիս անց:

62-ամյա նարկոբարոնին ԱՄՆ էին տեղափոխել, որպեսզի նա դատարանի առաջ կանգներ մեքսիկական բանտերից 2 անգամ փախուստի դիմելուց հետո:

Դատավճռի կայացումից առաջ Գուսմանը բողոքել է իր պահման պայմաններից եւ դատավորին ասել, որ իրեն մերժել են արդար դատավարություն անցկացնել: Նա պնդել է, որ ԱՄՆ շրջանային դատավոր Բրայան Կոգանը չի կարողացել մանրակրկիտ ուսումնասիրել դատավորների անօրինական գործողությունների մասին հայտարարությունները:

«Երբ ինձ ԱՄՆ արտահանձնեցին, ես արդար դատավարություն էի ակնկալում, սակայն ամեն ինչ հակառակը ստացվեց»,- հայտարարել է նարկոբարոնը:

Ներկայացված ապացույցների համաձայն՝ Գուսմանի հրամանով Սինալոա թմրակարտելը պատասխանատու է եղել ԱՄՆ-ում կոկաինի եւ այլ թմրանյութերի մաքսանենգության համար: Նրա «վարձու մարդասպանների բանակը» հրաման է ստացել առեւանգել, խոշտանգել եւ սպանել նրանց, ովքեր նրան խանգարում են:

Գուսմանը զգալի չափով կտրված էր արտաքին աշխարհից, երբ 2017թ. արտահանձնվեց: Նա այդ ժամանակ շնորհակալություն հայտնեց իր ընտանիքին, որն իրենց «ուժ է տվել՝ դիմանալու այդ փորձությանը»:

Հաշվի առնելով նրա նախկին փախուստները՝ ԱՄՆ իշխանությունները նրան առանձին վայրում էին պահում խիստ վերահսկողության տակ:

Փորձագետների խոսքով՝ նա, հավանաբար, կհայտնվի Կոլորադոյում «Supermax» բանտում, որը հայտնի է «Ալկատրաս» անվանումով: Այդ բանտում կալանավորներից շատերին հեռուստացույց են տրամադրում, սակայն արտաքին աշխարհի մասին նրանց պատկերացումները 4-դյույմանոց պատուհան է: 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Արտակարգ դեպք Երեւանում. 61-ամյա հայրն ու նրա որդիները դանակահարված վիճակում տեղափոխվել են հիվանդանոց
Դեպքը տեղի է ունեցել Եղիշե Թադեւոսյան փողոցի 19 շենքի բակում, իսկ վիրավորներից Գ. եւ Է. Հարությունյանները Կ. Հարությունյանի որդիներն են…
Վրաստանի նախագահը հայտարարել է, որ երկրում քրեածին իրավիճակը կայուն է համարում
Սումգայիթում ադրբեջանցին խեղդել է հղի կնոջը
Դատախազության աշխատակիցներն անմիջապես զննել են դեպքի վայրն ու իրականացրել այլ գործողություններ․․․
Կրակոցներ Երեւանում. դեպքի վայրում հայտնաբերվել են պարկուճներ,արնանման հետքեր
Ոստիկանները պարզել են, որ կրակոցներն հնչել են ոչ թե Ռիգայի փողոցում, այլ Արաբկիր 19 փողոցում…
Վանաձորում մեկ գիշերում թալանել են մի քանի ավտոտնակ
Գողացել 6 հատ անվադող, իսկ ավտոտնակում կայանված Mercedes մակնիշի ավտոմեքենայի հետևի…
Խմբակային ծեծկռտուք՝ Էջմիածնում․ կան վիրավորներ
Վիճաբանության մասնակիցներից Մանվել Բաբայանը Ամբերդ համայնքի ղեկավարն է, իսկ Մայիս Բաբայանը՝ նրա
Ամենաշատ